BBC navigation

"تخارده غیر مسوول قوراللی کیشیلرسانی آرتیب بارماقده"

Сўнгги янгиланиш 5 сентябр 2012 - 10:36 GMT

شمال شرقی تخار ولایت اهالیسی اوشبو ولایتده غیر مسوول قوراللی شخصلر سانی آرتیب باره یاتگنیدن شکایت قیلیب. بومعما آلدی الینمه سه کیله جکده کتته قینچلیککه ایله نیشدن خواطرده.

عینی حالده محل یشاوچیلری غیر مسوول کیشیلر اره سیده اوروشلر یوزبیریب انسانلردن جان الگنینی هم ادعا قیلگن. تخار ولایتی نینگ ولایت حاکمی عبدالجبار تقوا اهالینی بوشکایت لریگه بنا غیر مسوول قوراللی کیشلر موجود لیگنی تن آلیب، غیر مسوول کیشلر قوراللرینی یغیش اوچون مخصوص بیر کمیسیون ایشگه باشله گنیدن خبربیرگن. تخارولایتی نینگ مرکزی تالقان شهریده گی تومن بندرلریدن بیریده بارگنیمده اهالی نینگ غیر مسوول قوراللی شخص لر بار هسیده صحبت قیلیب تورگنیگه گواه بولدیم.

اولردن بیرینی بوخصوصده صحبت قیلیشگه چارله گنیمده اوز ایسمینی ایتشدن باش تارتیب قورقیشدن بوباره ده صحبت قیله آلمسلیگنی ایتدی.لیکن توپله نیب تورگن شخصلردن باشقه بیری غیر مسوول قوراللی کیشلرنی کون ساین آرتیب باره یاتگنیدن خواطر بیلدریب بوباره ده شوندی دیدی:"غیر مسوول کیشیلر بیر تماندن حمایه بولیشی ممکن اگر بیرتماندن حمایه بولمه سه بو ایشنی قیلمیدیلر معلوم ایمس کیم تمانیدن حمایه بوله دیلر، اولر اره سیده یوزبیرگن اوروشلرده خوستی ،سینگان پسیج منطقه لریده اهالی هلاک بولگن سابق قوماندانلر بولگن اولر تورلی قورال بیلن جهازلنگن، حتی کی راکت پیکا گه ایگه بونی دولت نینگ اوزی هم بیله دی."

هرچند رسمیلرگه کوره غیر مسوول قوراللی شخصلر حاضرگه چه ییریک معما گه ایلنمه گن، لیکن تخارلیک حبیب الرحمان آخند زاده نی ایتیشیچه شوندی شخصلر یانیدن قورال اسلحه یغیلمه سه کیله جکده کتته معماگه ایله نیشی ممکن. اونگه کوره " 2014 میلادی ییل خارجی کوچلر اولکه نی ترک ایتگنیدن سونگ غیر مسوول قوراللی لر کوچله نیب اولرنی قورال سیزلنتریش اوته قینت بوله دی."

باشقه تماندن اهالینی ایتشچه غیر مسوول قوراللی لر اره سیده یوزبیرگن توقنه شوولرده بیرقنچه اهالی جدی خساره کوریب حتی جانی تلفات هم یتکزیلگن. تخارلیک سنت الله تیمور گه کوره نیچه مرته اهالی بومعما اوچون رسمیلرگه باش اورگن، بیراق محلی رسمیلر شوندی شخصلر الدینی الیشگه قادر بولمه گن.

تخار ولایتی نینگ ولایت حاکمی عبدالجبار تقوا بی بی سی بیلن بولگن صحبتیده اوشبو ولایت نینگ اکثری تومنلریده غیر مسوول کیشلر موجود لیگینی تن الدین همده تقوا جنابلری شوندی شخصلرنزیدن قورال اسلحه نی یغیش اوچون جدی قدم لر کوتاریلگنیدن خبربیریب بیر کمیسیون هم ایجاد ایتلگنینی ایتدی:"غیر مسوول قوراللی لر موجود بولگن برچه ولسواللیکلرده، کمیسیونده بولگن هیات سفر قیله دی، بو کمیسیون ده صلح کینگاشی نینگ باشلیغی هم موجود بولگن. هیات غیر مسوول قوراللی لر بیلن صحبت له شیب اولرنی صلح قیلیشگه چقیره دی. اگر اولر صلح قیلیب قوراللرینی تاپشیرمه سه . اولرقورال سیزلنتریلیب، عدلی وقضای ارگان لر ارقه لی اولر بیلن جدی یانداشیله دی."

شونینگ دیک تخار حاکمی تقوا جنابلری غیر مسوول قوراللی شخصلرایریم حالت لرده قینچلیک توغدریب کیله یاتگنیدن سوزیوریتدی.

هرچند ولایت حاکمی قنچه غیر مسوول کیشلر موجود لیگی باره سیده انیق حسابات یوق لیگینی ایته دی، لیکن غیر مسوول قوراللی لر موجودلیگنی هم انکارایتمی شوندی بیروضعیتنی الدینی الیشگه محلی حکومت قادر ایکنینی تاکیدلیدی.

محل یشاوچیلری غیر مسوول قوراللی لرنی کون ساین ارتیب باره یاتگنیدن شکایت بیلدریب. وضعیت شوندی دوام تارتسه بومسله امنیت نینگ بوزیش حتی کی منطقه وی اوروشلرگه قیته یوزبیریشدن جدی خواطربیلدیرماقده.

تخار مملکت نینگ شمال شرقیده جایلشگن بولیب تورلی حزب و سیاسی گروه لرگه علاقه دار بولگن سابق جهادی قوماندانلر فعالیت قیلیب کیلماقده.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.