BBC navigation

"امریکا بگرام قماقخانه سینی بوتونلی افغان حکومتیگه تاپشیرمیدی"

Сўнгги янгиланиш 6 сентябр 2012 - 12:54 GMT

آچیق جمعیت ناملی خلق ارا تشکیلات ینگی بیر حسابات ترقه تیب بگرام قماقخانه سینی امریکالیک لر بوتونلی افغانلرگه تاپشریش نیتیده ایمس لیگینی ایتگن،تشکیلات گه کوره بو افغانستان قانونیگه قرشی بیرعمل.

اوشبو تشکیلات حساباتیگه کوره، امریکا قوشمه ایالت لری قماقخانه نینگ ایککی بولیمینی اوز نظارتلریگه اوشلب تورماقچی.

آچیق جمعیت خلق ارا تشکیلاتی انسان حقلری ویخشی حکومتدارلیک خصوصیده اینگ آز یتمیش مملکتده فعالیت آلیب بارماقده.

بو تشکیلات 35 بیت دن عبارت بولگن بیرحسابات ترقه تیب، امریکا لیکلر بگرام قماقخانه سی نینگ ایککی بولیمینی اوشلب توریش نیتیده ایکنینی ایتگن.

اوشبو تشکیلات مسوولی خانم نجلا ایوبی بی بی سی بیلن بولگن صحبتیده آنه شو موضوع خصوصیده افغان حکومتی و امریکا لیک لر آره سیده قرمه قرشی لیکلر پیدا بولگنینی ایتدی:"قرمه قرشیلیک شو کی امریکا لیکلر امضالنگن کیلشوو بیتمی اوزفعالیتی میزگه قندی چیکلاو قویمیدی دیب ایته دی. یعنی عصیانچیلیک فعالیت لریگه عیبدار کیشیلرنی حیبسگه الیش توغریسده ، شو اوچون امریکا لیک لر بگرام قماقخانه سی نینگ ایککی بلاکینی سقلب تورماقچی. تا محبوسلرنی اوییرده سقله سه، بو افغانستان قانونگی قرشی بیرعمل."

شونگه علاوه خانم ایوبی امریکالیکلرنینگ بو ایسته گی عملگه جاری ایتیلسه بگرام قماقخانه سی کیچیک گوانتاموگه ایله نیشی ممکن لیگیدن سوزیوریتدی.

بوندن قریب التی آی الدین امریکا و افغان رسمیلری آره سیده امضالنگن کیلشوو بیتیم اساسیده بگرام قماقخانه سی نینگ افغان کوچلریگه تاپشریلیشیگه قرار آلیندی.

کیله سی هفته اوللریده یعنی دوشنبه کونی قماقخانه مسوولیتی نینگ افغانلرگه تاپشریش زمانی ایتیب کیله دی.

اما اوپین سوسایتی تشکیلاتی، اوز حساباتیده کیلشوو بیتیمی امضالنگندن کیین شوپیتگه قدر، اینگ آز آلتی یوز کیشی امریکا لیکلر تمانیدن اوشله نیب اوشبو قماقخانه ده انتقال بیریلگنینی معلوم قیلگن.

شونگه علاوه بو تشکیلات قماقخانه باره سیده ایریم تکلیف لرنی هم ایلگری سورگن. محبوسلر خصوصیده پارلمان تمانیدن یخشی قانون لایحه سی تصدیق لنمه گونگه قدر محبوسلرنی انقال بیریلیشی وقتینچه لیک توخته تیلیشی ایلگری سوریلگن تکلیف لردن بیری.

همده عیبدار کیشلرنی قندی حیبسگه آلنیشی واولرنی حقلری قندی سقله نیشی قانونده کیریتیلیشی قیدایتیلگن. بگرام قماقخانه سیده قریب 3000 محبوس موجود لیگی ایتیلیب، اولر عصیانچی گروه لر همده القاعده ترماغی بیلن علاقه داربولگنیگه عیبدار تانیلیب حیبسگه آلینگن. اولردن بیرقنچه سی ایسه نیچه ای جریانیده افغان حکومتی گه تاپشریلگن.

معلومات لرگه تاپشریلگن محبوسلردن بیرقنچه سی گناه سیز تانیلب ویاهم قماق مدتینی توگه تیب آزاد ایتیلگن.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.