BBC navigation

فاریاب –هرات شاه یولی نی قوریش ایشی باشلندی

Сўнгги янгиланиш 9 сентябр 2012 - 15:28 GMT

327 کیلومتر دن عبارت بولگن بو شاه یول نی قوریش ایشی بادغیس ولایتی مرکزی قعله نو دن ایککی استقامت گه یعنی هرات نینگ " ارملک " و فاریاب گه قرب ایسه بادغیس نینگ "لاملان" منطقه سیدن باشلندی .
بو شاه یول نینگ قوریلیشی اچون 437 ملیون دالر مبلغ اجره تیلگن.شاه یولنی قوریش بودیجه سی جهان بانکی تمانیدن تامین له نیشی معلوم قیلنگن .
قوریش ایشلرینی باشله نیشی اوچون یولگه قوییلگن مراسمده قتنشگن افغانستان عامه منفعتلر وزیری نجیب الله اوژن هرات –فاریاب شاه یولی افغانستان غربیده کی قوشنی دولتلر بیلن یول آرقه لی علاقه قورلیشی اوچون ییرک اهمیت گه ایگه بولگنینی تاکید له گن .
فاریاب –هرات شاه یول نینگ قورلیشی بیلن مملکت ده کی حلقه شاه یوللرینینگ قوریش لایحه سی اوز نهایه سیگه ایتدی .
مراسمده قتنشگن هرات ولایت حاکمی شاه یولنی قورلیشی بیلن هرات ولایتده نینگ صناعت قسمیده ایشلب چیقارله یاتگن محصولاتلرنی افغانستان شمالی و مرکزی آسیاحکومتلریده گی بازار لرده یول تاپیشیگه امید بیلدرگن .
عینی دمده بو شاه یول نینگ قورلیشی ، هرات ، فاریاب و بادغیس ولایتلرده گی اهالی وضعیتیده ایجابی اوزگریشلرنی کیلتریشنی هرات ولایت حاکمی تاکید له گن .
هرات –فاریاب شاه یولینی قوریش لایحه سی بوندن آلتی ییل مقدم خارجی شرکتلر بیلن امضا لنگن ایدی . بیراق خوف سیزلیک معما لر باعث ایشی توخته تیلگن ایدی.
ایرملر قوریش ایشلری قوشنی مملکت لرنینگ مخالفتی باعث توخته تیب قوییلگنینی هم ایتماقده .
4 ییلگهچه قورلیشی ایتلگن بو شاه یول مملکت غربی ولایتلرینی قیسقه مسافه بیلن افغانستان شمالی بیلن باغلیدی .
منطقه اهالی سی شاه یول نینگ قورلیشی ، اوته ناتینچ حساب لنه یاتگن منطقه لرده تینچ لیک نینگ تامین لنیشگه سبب بوله دی دیب امید بیلدرماقده لر.
حاضرده اهالی بادغیس ولایتی نینگ ایرم حدود لریدن هراتگه سفر قیلیش اوچون کمیده 6 ساعت وقت صرف لشلریگه توغری کیله دی بیراق بو شاه یولنی قورلیشی بیلن هراتگه یرم ساعتده ایتیب باریش ممکن.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.