BBC navigation

قندوز ده یوزبیرگن انتحاری هجومده کمیده 15 کیشی هلاک بولگن

Сўнгги янгиланиш 10 сентябр 2012 - 13:20 GMT

قندوز ولایت پلیس باشلیغی سمیع الله قطره گه کوره اوشبو انتحاری هجوم نتیجه سیده 15 کیشی هلاک بولیب 30 گه یقین انسان یره لنگن.

اوشبو انتحاری هجوم بوگون توشدن کیین قندوز شهری چوکیده یوزبیرگن. رسمیلرگه کوره هلاک بولگن لر آره سیده یتتی پلیس هم موجود بولگن.

شونینگ دیک یره لنگن لر اره سیده هم ایککی پلیس بارلیگی ایتیلیب باشقه قالگنی عادی اهالی ایکنی معلوم قیلینگن.

یره لنگن شخصلر دوالش اوچون کسلخانه لرگه انتقال بیریلگن.

لیکن محلده بولگن کوزه توچیلر تلفات لر رقمی بوندن کوره هم کوپلیگینی ایتگنلر.

قندوز ولایتی نینگ ولایت حاکمی سوزچیسینی ایتیشیچه انتحاری شخص پاکستانده مشق کوریب میدان وردک ولایتیدن نیچه کون الدین قندوزگه کیلیب اوزینی پارتلتگن.

عینی حالده محلی رسمیلر انتحارچی شخص نینگ اصلی مقصدی قندوز ولایتی نینگ ولایت بیناسی و پلیس اداره سی ایکنینی ایتگنلر.

قندوز افغانستان نینگ شمال شرقی ولایت لردن بیری بولیب، طالبان عصیانچیلری نینگ اوشبو ولایت ده انچه فعال بولگنی ایتیلماقده.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.