BBC navigation

"اسامه بن لادن اولمیده مینینگ اشتراکم یوق"

Сўнгги янгиланиш 11 сентябр 2012 - 14:14 GMT

امریکالیکلرگه اسامه بن لادن نینگ تاپیشده یاردم بیرگن پاکستانلیک شفا کارنینگ ایتیشیچه،" القاعده" ترماغی رهبری نینگ اولدیرلیشیگه علاقه دار ایکنیدن بوتکول بیخبر بولگن .
اسامه بن لادن اوتگن ییل می آیده پاکستان نینگ ایبت آباد شهریده گی حویلی سیده امریکا مخصوص کوچلری تمانیدن اویشتیرلگن هجوم چاغیده اولدیرلگندی. حبسگه آلینیشی آرتیدن شفا کار شکیل آفریدی بیلن ایلک بار امریکا نینگ فاکس نیوس تلویزیونی ترماغی صحبتلشیشگه موفق بولگن.
شفاکارنینگ ایتیشیچه ، اسامه بن لادن نینگ اولمی آرتیدن قاچیب قالیش دیگن نرسه خیالیده هم بولمه گن . اونگه کوره، شو باعث هم پاکستان جاسوس لیک خذمتی خادملری اوزینی آسان لیک بیلن قولگه کیرتیشگن.شکیل آفریدی نینگ ایتیشیچه ، حبسده ایکن چاغیده اوزینی قیناقلرگه سالگن پاکستان جاسوس لیک خذمتی امریکا نی اینگ اشدی دشمنی صفتیده کوره دی .
عینی اورینده شونی تاکیدلب اوتیش جایزکی ، فاکس نیوز نینگ پشاور شهریده گی قماقخانه ده سقلنه یاتگن شفا کار بیلن قندی قیلیب صحبتلشیشگه موفق بولگنی معلوم ایمس.
شفاکار اورنی
دعوالرگه کوره، اسامه بن لادن عایله سی DNA نمونه لرینی قولگه کیرتیش اوچون شفا کار سریق کسلیکگه قرشی ساخته ایملش عملیاتیدن فایده لنه دی .اما شفا کار شو ییل نینگ می آیده جنگری گروه نی مالیه لش و دستکلش عیبی بیلن 33 ییللیک قماق جزا سیگه حکم ایتیلدی.
کوپچیلیک ایسه ، محکمه عیبلاولریگه ایشانمی، شفا کار امریکا جاسوس لیک خذمتیگه کمک بیرگنی اوچون بونچه لیک جزا لندی، دیگن خیالگه باره دی . شکیل آفریدی بیلن صحبتده نیویوک و واشینگتن گه قرشی اویشتیرلگن هجوم لرنینگ 11 ییلیک صحنه سی عرفه سیده چاپ ایتلگن .
خودی شو منظره ده " القاعده" ترماغی نینگ جاری رهبری ایمن الظواهری ینه بیر یوقاری مرتبه لی اعضالری ابو یحیی اللیبی نینگ شو ییل باشیده پاکستان نینگ قبیله لر یشووچی حدودیده امریکا نینگ دی رون هجومی عاقبتده هلاک بولگنینی تصدیق لب چیققن. اوز اورینده ، برادری محمد امریکا نینگ سی ان ان تلویزیون کانلیگه اونینگ غرب و اسلامچی لر اورته سیده تینچلیک مذاکرلریگه واسطه چیلیک قیلیشگه حاضر ایکنینی بیلدرگن .
14 ییل عمرینی مصرده گی قماقخانه ده اوتکزگن محمد الظواهری ینگی حکومتنی حرمت قیلیشی ، اما غایوی جهتدن اکه سیگه یقین توریشنی هم تاکیدلب اوتگن .

"خودی ایتگه اوخشب"
پشاور مرکزی قماقخانه سیدن توریب سوزلرکن، شفاکار شکیل آفریدی امریکا جاسوس لیک خذمتی اسامه بن لادن نینگ ایزیگه توشگنلیگیدن بی خبر بولگنینی ایتگن ."مینگه تاپشیرلگن وظیفه دن بولک، اولرنینگ انیق مقصدلری مینگه معلوم ایمس ایدی "، دیب ایتگن او فاکس نیوز ترماغیگه.

جناب آفریدیگه کوره، حویلی دن قندیدیر ترورچیلر پاش پناه تاپیشگن، دیب اویله گن .
" مین عینا کیم ایکنینی بیلمهگنمن.ایشتیب، تعجب قیلدیم.مینی اسامه بن لادن نینگ اولمیگه علاقه دار کوریشگنیده ، بونگه ، حتی عقلم هم باور قیلمه دی "، دیدی او.
شفاکار نینگ ایتیشیچه ، امریکا جاسوس لیک خذمتی اوزیگه پاکستاندن افغانستانگه چیقیب کیتیشنی مصلحت بیرگن.
اما، اونگه کوره، اوللیگه وضعیت بی قرار بولگنی اوچون اوزارا چیگره نی کیسیب اوتیشگه قورقگن.ایکینچیدن ،"القاعده" ترماغی رهبری نینگ اولمیگه اوزیمنی هیچ بیر علاقه م یوق دیب اویلهگنمن، دیدی شفاکار .

اسامه بن لادن نینگ اولمیدن 20 کون اوتیب ، شفاکار اوتگن ییل نینگ 22 می کونی حیات آباد نظارت نقطه سیده قولگه آلیندی.شفاکار نینگ ایتیشیچه ، شوندن سونگ پاکستان جاسوس لیک خذمتی نینگ پایتخت اسلام آباد ده گی قرارگاهی آستیده گی ییرتوله ده توتیب توریلدی.اونگه کوره، ییرتوله ده سکیز آی کوزلری باغلیق ، بیر ییل ایسه، قوللری کشلنگن حالده سقلنگن .
"احوالم سبب، اوقتنی تز چوکیب ، خودی ایتگه اوخشب ییشیمگه توغری کیلردی "، دیدی او .
شفاکار نینگ ایتیشیجه ، تیرگوچاغیده اوزینی قیناققه سالیشگن ، سگرت چوغی بیلن تنه سینی کویدیریشگن وبرقگه بیرگن.اونگه کوره، اوزی بیلن اوچره شیشگه کیلگن امریکا جاسوس لیک خذمتی خادم لریگه خلل بیریشلیری اوچون باشقه محبوس لرنی ایشگه سالیشگن .شفاکارنینگ ایتیشیچه ، بونی اوشه محبوس لرنینگ اوزلری اونگه گپریب بیرشگن .
رسمی اسلام آباد اسامه بن لادن نینگ اولدیرلیشنی اوز مستقللیگیگه دخل ایتلیشی صفتیده تلقین ایتگندی.
ییللرکی "القاعده " ترماغی رهبرینی یشیرب کیلیشنی رد ایتیب کیلگن پاکستان حکومتی یوز بیرگن حادثه آرتیدن جوده خجالتلی احوالده قالگن و امریکا بیلن دپلماتیک علاقه لریگه هم جدی درز ایتگندی .

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.