BBC navigation

هراتده گی خودکش هجومده محلی قوماندان هلاک بولدی

Сўнгги янгиланиш 11 сентябр 2012 - 14:58 GMT

افغانستان غربیده کی هرات ولایتی نینگ کشک کهنه تومنیده روی بیرگن خودکشلیک هجومیده محلی پلیس قوماندانلردن بیری هلاک بولگن .
خبرلرگه کوره محلی پلیس قوماندانی خوف سیزلیک یغینینی ترک ایتیب بازارگه قره ب یول توته یاتگن پیتی خودکش هجومچی اوزینی پارتله تیب یوبارگن .
نتیجه ده قوماندان داخل بیش نفر هلاک بولگن .
پلیس سوزچی سی عبدالروف احمدی نی ایتیشیجه حادثه ده محلی قوماندان لردن بولگن ارباب حکیم ، تورت نفر عادی اهالی بیلن هلاک بولگن . اونگه کوره حادثه ده التی نفر اهالی هم یره لنگن .
احمدی جنابلری یره لنگن شخص ساغلیق احوالی یخشی ایکنینی ایتیب ، حادثه افغانستان مخالف کوچلری تمانیدن عملگه آشیرلگنینی ایتگن.
بگرام حربی قرارگاه گه قرشی راکت هجوم
عینی دمده بگرام حربی قرارگاهی راکت هجوم آستیگه کیلیشی نتیجه سیده افغانستان ملی امنیت اداره سی ملازم لریدن اوچ نفر هلاک بولگن .
پروان ولایت پلیس باشلیغی محمد اکرم بیگزاد گه کوره بو راکت لر قره باغ تومنی تمانیدن حربی قرارگاه گه قرشی آتیلگن.
معلوماتلرگه کوره راکت لردن بیری مخصوص عملیات آلیب باریش اوچون تیارگرلیک کوره یاتگن تیک اوچرلردن بیریگه کیلیب تیگن.پارتلش نتیجه سیده تیک اوچر ویران بولگن و ایچیده بولگن خوف سیزلیک کوچلریدن اوچ نفر هلاک بولگن .
پگرام امنیت قوماندان لیگی روی بیرگن حادثه ده اوچ نفر پلیس هم یره لنگنینی معلوم قیلگن .
بگرام هوا قونلاغه سی ده کی اتفاق کوچلری سوزچی سی آدام وولجک راکت پارتلش عاقبتیده تورت خارجی عسکر نی هم یره لنگنینی ایتگن .
طالبان حادثه مسئولیتنی اوز ضمه سیگه آلیب ، افغان و خارجی کوچلرگه ییرک زیان ایتگنینی ادعا قیلگن .

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.