BBC navigation

لیبیا ده گی ناراضلیکده امریکا ایلچی سی هلاک بولگن

Сўнгги янгиланиш 12 сентябр 2012 - 15:31 GMT

لیبیا ده گی ناراضلیک نمایشلر


امریکاده تصویرگه آلینگن فلمدن غضب لنگن قوراللی شخصلر بنغازی شهریده گی هجومی عاقبتده امریکا نینگ لیبیا ده گی ایلچی سی هلاک بولگن .
لیبیا نینگ بنغازی و مصر پایتختی قاهرده گی اهالی یوتیوب ده نشر ایتلگن فلمنی محمد پیغمبر نی حقارتله گن دیگنلر.
غضبناک اهالی امریکا دیپلماتیک ادارهلریگه هجوم قیلگنلر، بنغازی ده هلاک بولگن تورت امریکا رسمی سی آره سیده لیبیا ده گی ایلچی سی "کرستفر استیفن" هم بولگن .امریکا دولت اداره سی اوز خادمی نینگ اولمینی تصدیق له گن ، بیراق اونینگ نامنی آشکار ایتمهگن.
بنغازیده نامعلوم قوراللی آدملر تونده امریکا ایالاتی قنسولیگه باستریب کیرگنلر، بنا اوققه توتیب قول بمب لرآتیلگن. لیبیا خوف سیزلیک کوچلری هجوچیلرگه قره ته اوت آچیشگن ، بیراق هجومچی لر سانی نینگ قوریقچیلردن کوپ بولگنی خبر قیلنگن . قوراللی لر امریکا قنسوللیگی اوت قویگنلر.
ایرم خبرلرده هجوم قیلگنلرنینگ " انصارلشریعه " گروهی دیب ناملنگن گروه جنگریلری بولگنی خبر قیلنگن ، بیراق گروه بو خبرلرنی رد ایتگن .
ناراضلیکلرگه سبب بولگن فلم نینگ 53 یاشلی امریکا وطنداشی "سیم بیسل" تمانیدین تصویرگه آلینگنی ، فلمنی ترقتگن ایسه مهاجر مصر نصرانی ستلایت تلویزیون کانالریدن بیری بولگن .
اوشبو ایککی شخصنی عکسل السلامی قرشیده گی انسانلر ایکنی ایتله دی .
کم بودیجه لی فلم عرب تیلیده گی ترجمه سی بیلن نشر ایتلگن .
امریکا دولت کاتبی هیلاری کیلنتون اعلان قیلگن بیاناتده بنغازی ده گی حادثه ده لرزه گه توشگنی ایتلگن .
" ایرملر روی بیرگن واقعه نی انترنتده نشر قیلنگن حقارتلی ویدیوگه جوابا دییه آقلشماقچی بوله دی لر . امریکا باشقه انسانلرنینگ دینی تویغولرینی کمستیش نینگ هر قندی حرکتنی قاره لیدی . بیراق شونرسه نی انیق قیلیب ایته من کی بوندی کورنیشده گی زوروانلیک حرکت لرینی هیچ نیرسه بیلن آقلب بولمیدی" دییله دی امریکا دولت کاتبه سی بیاناتیده.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.