BBC navigation

فوتبال: افغان عیاللرجماعه سی تاریخی یوتوققه ایریشدی

Сўнгги янгиланиш 15 сентябр 2012 - 12:53 GMT

فوتبال بویچه افغانستان عیاللر تیرمه جماعه سی ایلیک بار جنوبی آسیا فوتبال فیدراسیونی بیرینچی لیگی نینگ یریم فینالیگه چیقیشگه موفق بولدی. اما کیچه بولیب اوتگن یریم فینال بیلله شوویده هندوستانلیک رقیب لریگه ییریک حساب بیلن بایبیریب قوییدی.

قطعه نینگ سککیز دولتی اشتراک ایتوچی و هر ایککی ییلده بیر مرته اوتکزیلوچی بیرینچیلیکده افغانستان میلادی 2010 ییلدن بیری اشتراک ایتیب کیله دی. بیز اوشبو مسابقه نی یقیندن کوزه تییب باره یاتگن بی بی سی محریری ایمل پسرلی دن بونینگ قنچه لیک کتته یوتوق ایکنینی سوره دیک.

جواب : هه ، مین بونی افغانستان خاتین- قیزلر فوتبال جماعه سی اوچون اولکن یوتوق، دیب اته گن بولردیم. چونکی اولر ایلک بار بو کبی نفوذلی فوتبال بیلله شوو نینگ یریم فینالیگه چه چیقیشگه موفق بولیشدی. سونگی ینگیلیک نینگ اهمیتینی ینه بیر نرسه آشیردیکی، بو – افغانستانلیک خاتین – قیز فوتبال چیلر اشتراک ایته یاتگن بار – یوغی ایککینچی خلق ارا مسابقه دیر.

سوال : جمعیت ده گی عنعنه دار قره شلرو طالبان نینگ اولیم تهدید لری اوستیده افغان خاتین – قیزلر جماعه سی قندی قیلیب بو کبی نتیجه لرگه ایریشماقده؟ عموما مملکتده خاتین – قیزلر فوتبالینی رواجلنتریشگه بولگن اعتبار قندی؟

جواب: اگر شرط شرایط لر مسله سیگه کیلسک، اولر یترلیچه دستککه ایگه ایمسلر . اویینش اوچون، حتی ستدیوم لری هم یوق. جمعیت ده گی عنعنه دار قرشلر سبب، فقط یاپیق ایشیکلر آرتیده توپ سوریشه دی. بونینگ اوچون عالی اوقوو یورتلری نینگ سپورت انشاآت لریدن فایده له نیشه دی، افغانستان حکومتی ایسه ، باشقه سپورتچیلر کبی عیاللر فوتبالینی مالیه لشگه هم ایترلیچه پولی یوقلیگینی ایتیب کیله دی، اولرنی المانیه فوتبال فیدراسیونی قوللب کیله دی. مربیلری هم آلمانیدن، هلی افغانستان ده عیاللرنینگ ملی بیرینچلیلرهم ، اولر فقط اراده لری نینگ کوچی بیلن بو کبی یوتوقلرگه ایریشیشماقده.

سوال: افغانستان خاتین – قیزلر ملی تیرمه جماعه سی نینگ بوندن کیینگی ریجه لری قندی؟

جواب : اولر سوزسیز، باشقه مینطقه وی فوتبال بیلله شوولریده اشتراک ایتیشدی. افغانستان نینگ اوزیده خلق ارا اتفاق کوچلری نینگ عیاللر جماعه سی بیلن اوچره شوولر اوتکزیشلری ممکن، بوندن تشقری، کابل کبی ییریک شهرلرده جایلشگن عالی اوقوو یورتلرنینگ قیزلر جماعه سی هم بار ، اولر بیلن هم کوچ سینه شیب توریشه دی.

بیرینچیلیک نینگ سونگی غالبی هندوستان و نیپال آره سیده گی فینال بیلله شووی ایرته – یکشنبه کونی بولیب اوته دی. افغانستان بوندن اولگی اشتراکینی گروه باسقیچ سره لش بیلله شوو چیلرینینگ اوزیده یوق یکونله گندی.

افغانستان لیک فوتبال چیلر اوشنده برچه اوچره شوولرینی بای بیریشگندی. اما بو گل هندوستان و نیپالگه ینگیلگن ایسه- ده پاکستاننی 4:0 حسابیده مغلوب ایتیب، مالدیو بیلن دورنگ نتیجه قید ایتدی و اوز گروهیده ایککینچی اوریننی ایگه لب، یریم فینالگه چیقیشگه موفق بولدی.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.