BBC navigation

صلاح الدین ربانی، آته سی نینگ تروری انیق لنمه گنیگه دولتنی قاره له دی

Сўнгги янгиланиш 19 сентябр 2012 - 13:21 GMT

برهان الدین ربانی اوغلی صلاح الدین ربانی اته سی نینگ تروری ارقه سیده قندی قوللر موجودبولگنینی انیق لش اوچون دولت نینگ ضعیف عمل قیلگنیگه عیبله گن.
عینی حالده او، بوندن الدین اویشتریلگن زنجیری قتللر عامللرینی هم انیق لنمه گنینی قتیغ قاره لب چیقدی.
برهان الدین ربانی ترور نینگ بیریللیگی مناسبتی بیلن بوگون لویه جرگه تالاریده مخصوص مراسم اورنه تیلگن ایدی، اوشبو مراسمده جمهوررییس کرزی ودولت کابینه اعضالری قوشیمچه ربانی نینگ مینگلب طرفدارلری هم اشتراک ایتگن ایدی.
مراسمده سوزیوریتگن افغانستان جمهورریسی حامدکرزی صلح شورا سی نینگ سابق رییسی برهان الدین ربانی نینگ صلح اوچون بولگن آرمانلرینی عملگه اشریش اوچون جدی سعی قیلشینی وعده بیردی"صلح آتی بیلن انتحاری استاد ربانی یانیده کیلیب اونی صلح اتیگه شهید قیلدی، استاد اوزمقصدیگه ایریشدی صلح اوچون جانینی قربان قیلدی، ایندی بیز اولکه میزنی اونینگ هدفی " صلح " گه یتکزیلیک، خلقی میز دواملی تینچلیک وصلح سایه سیگه حیات اوتکزسین."
کرزیدن کیین سوزگه چیققن برهان الدین ربانی نینگ اوغلی صلاح الدین ربانی آته سی نینگ ترورایتلگنی ارقه سیده قندی قوللر موجودبولگنینی انیق لش اوچون دولت نینگ ناکام عمل قیلگنیگه عیبله دی:"تاسف بیلن دولت زنجیره یی ترور لرنی انیق لش اوچون موفق بولمه دی، مقاومت وجهاد رهبری استاد ربانی نینگ ترورایتلگنیدن بیرییل اوتدی. لیکن بوخصوصده مردم گه اچیق جواب بیریلمه دی. شهید ربانی قوشیمچه باشقه شهید لرنینگ تروریگه اصلی عامللر نیمه بولگنی معلوم ایمس.بیز استادربانی تروربولگنیدن کیین اونی تروری ارقه سیده کیم بولگنینی انیق قیلیشیگه تاکیدقیلدیک جمهوررییس هم شوندی فکر بیلن چیقدی اما نتیجه سی حاضرگه قدرهم اچیق ایمس."
اوشبو مراسمده دولتی نینگ یوقار مرتبه لی خادملری قوشیمچه بیرقنچه جهادی رهبرلر سوزیوریتیب برهان الدین ربانی نینگ صلح اوچون جدی کورشگن بیرشخصیت بولگنینی ایتدیلر.
هرچند برهان الدین ربانی سابق جهادی قوماندان لردن بیری بولیب طالبانگه قرشی اوروشنی رهگ اونینگ اوغلی صلاح الدین ربانی صلح کینگاش باشلیغی صفیتیده تعین ایتلدی.
فاریاب ولایتی نینگ صلح کینگاش رییسی مولوی اسدالله جمالی برهان الدین ربانی اورنینی تولدیریش قینت ایکنینی ایتب او، حیات بولگنده صلح ومذاکره اوچون ایجابی حرکت لر بولیشی ممکن لیگینی اورغوله دی.
برهان الدین ربانی اوتگن ییل کابلده گی اوییده اوزینی طالبان وکیلی دیب تانشتیرگن انتحارچی بیرشخص تمانیدن نشانگه آلنیب هلاک بولدی.
او، صلح کینگاشی باشلیغی قوشیمچه جمعیت اسلامی حزبی نینگ رهبری صفتیده وظیفه آلیب باررایدی.
ربانی جنابلری ترور اتیلگنیدن سونگ، جمهورریس کرزی اونینگ تروری ارقه سیده قندی گروه موجود بولگنینی انیق لش اوچون بیرکمسیون ایجاد ایتدی. اما برهان الدین ربانی عاییله سی اوشبو کمیسیون الیب بارگن تحقیقات نتیجه سی هلی هم اعلان بولمه گنینی ایتماقده.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.