BBC navigation

کیله جک سیلاولر باره سیده سیاسی فرقه لر خواطرلری

Сўнгги янгиланиш 23 сентябр 2012 - 12:08 GMT

ییگیرمگه یقین سیاسی حزب و اتفاق بوگون کابلده بیریغین اوتکزیب کیله جک ریاست جمهورلیک سلاوی باره سیده گی خواطرلرینی اظهارایتگن.

ریاست جمهوررلیک سیلاوده قریب بیریم ییل قالرایکن حاضردن باشلب اونلب سیاسی حزب و اتفاقلر سیلاو نینگ قندی وقیسی زمانده بولیشی اوتیشی خوصییده اوز خواطرلرینی اظهارایتدیلر. اوشبو یغینده اشتراک ایتگن سیاسی حزب واتفاقلرنینگ کوپنیچه سی دولت گه سیاسی مخالفت بیلدیریب کیلگن سیاسی گروه لردن عبارت بولگن.

ایریم مخالف اتفاق رهبرلری جمهورلیک سیلاوی اوچون حکومت تمانیدن قندی دیر ایجابی تیارگرلیک المه گنینی ایتب بوباره ده حکومت نینگ توجه سیزلیککه عیبلب چیقدیلر.

مخالفت بیلن چیققن حق و عدالت حزبی نینگ سوزچیسی حمیدالله فاروقی بوحقده شوندی دیدی:"سیلاوزمانی گه بیریریم ییلدن آز وقت قالگن، یعنی قانونگه ماس ریاست جمهورلیک سیلاوی 1393 . قویاش ییلده یولگه قویلیشی قید ایتیلگن، لیکن بوخصوصده بولگن تیارگرلیک کیچیک ، همده عملی زمینه سی بولمه گن،بوکبی حالت لرایسه جمهورلیک سیلاوی نینگ قید ایتلگن زمانی، شفاف بولیب اوتمه یشی ممکن دیگن خواطرلرنی کوچیتیرگن."

باشقه تماندن بوگون موافق فکر بیلدیرگن سیاسی حزب و اتفاقلر کیله جک ریاست جمهورلیک سیلاو نینگ شفاف بولیب اوتیشی اوچون ایریم طلب لرنی هم ایلگری سوردیلر.

قانونگه ماس سیلاو نینگ انیق تاریخی، الکترونیک کیم لیک حجت ترقه تیش، جمعیت سانینی انیق لش، رای بیروچیلر روی خطی توزه تیلیشی، ایلگری سوریلگن تکلیف لردن بیرقمسی بولگن.شونینگ دیک سیلاوده غیرقانونی اره له شوولرنی الدینی آلیش همده، سیلاو خوف سیزلیگینی تامین لش اوچون هم جدی اعتبار قره تیلیشی کیره ک لیگی تاکییدلندی.

بولیب اوتگن یغینده ،ملی جبهه رییسی احمد ضیا مسعود، ملی اتفاق باشلیغی عبدالله عبدالله ، وحدت حزب باشلیغی قوشیمچه بیرقنچه سیاسی حزب رهبرلری وتنیقلی شخصیتلر هم اشتراک ایتگن ایدیلر.

شونینگ دیک یغینده اسلامی جمعیت حزبی و افغان ملت حزب وکیللری هم حضور تاپگن ایدی.

بوندن آلدینلرهم ایریم سیاسی گروه و اتفاقلر جمله دن ملی جبهه رییسی کرزی باشچلیغیده گی حکومت نینگ کیله جک سیلاو ده ناقانونی اره له شیش اوچون اورینه یاتگنیگه عیبله گن ایدی.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.