BBC navigation

کرزی: راکتی هجوملرنینگ آلدینی آلیش اوچون امریکا یاردم بیرمه گن

Сўнгги янгиланиш 4 октябр 2012 - 09:55 GMT

افغانستان جمهورریسی حامدکرزی پاکستان توپراغی آرقه لی افغانستان چیگره حدودلرینی راکتی هجوملرگه توتیلیب کیله یاتگنینی الدینی آلیش اوچون امریکا نینگ هیچ قندی یاردم بیرمه گنیگه عیبلب له دی.
افغانستان جمهورریسی حامدکرزی بوکونگی اوتکزگن مطبوعات انجمنیده، پاکستان نینگ راکتی هجوملری باره سیده ایریم سعی حرکت بولگنینی اورغولب، بومعمانی بیرلشگن ملت لر تشکیلاتی نینگ خوف سیزلیک کینگاشی و امریکا قوشمه ایالت لر بیلن اورتگه قویگنینی ایتدی.
جمهوررییس کرزی امریکا مقاملری نینگ بوخصوصده بولگن مناسبت لری نیمه بولگنینی شوندی اچیق له دی:" امریکا لیکلرگه بیز راکتی هجوملر باره سیده تولیق معلومات بیردیک، اولر بیزنینگ معلومات لریمیزگه ایشانمی، راکتی هجوملر بوقدر کتته معما ایمسلیگینی ایتدیلروینه بیزبیلن همکارلیک قیلمه دیلر."
عینی حالده کرزی جنابلری امریکا قوشمه ایلت لری بیلن امضالنگن استراتییژیک پیمانده افغانستان تشقی تهدید لر بیلن دوچ کیلگنده، امریکا نینگ حمایت بیلدریشی قید ایتلگنینی هم تاکیدله دی.
شونگه قوشیمچه حامدکرزی، پاکستان راکتی هجوملریگه قرشی عمل قیلیش اوچون افغانستان ایترلیچه اسلحه قورال گه ایگه ایمس لیگینی اورغولب شوندی امکانیت بولگنده هم تینچ فقرا یشب کیله یاتگن منطقه لرهیچ بیرزمان نشانگه آلینمسلگینی ایتدی.
باشقه تماندن حالده حامدکرزی ، افغان امنیتی کوچلری نینگ اغیر قوراللر بیلن جهازلنتریش اوچون امریکا قوشمه ایالت لری اعتبار بیرمه سه ،باشقه بیر اولکه دن آغیر قورال ساتیب آلیشی بیلن آگاه لنتیردی.
جمهوررییس حامدکرزی گوره افغانستان هوای کوچی نینگ جنگی، ترانسپورتی وکشفی طیاره لر بیلن جهازلنتریش طلبینی ایلگری سورگن، امریکا قوشمه ایلت لری حاضرگه قدرهم بو طلب گه قندی دیر جواب بیرمه گن.
افغانستان جمهوررییسی حامدکرزی بوموضوع باره سیده گی بحثلر کیله سی هفته هم دوام تارتیشینی اورغولب بوحقده شوندی دیدی:" اگر ناتو وامریکا قوشمه ایالت لری، هوای وپیاده کوچی میزنی اغیر قوراللر و طیاره لربیلن جهازلنتیرمه سه افغانستان کوتیب توره دی می؟یاکی افغانستان اختیاریده بولگن امکانیت لردن فایده له نیب، روسیه چین ویا باشقه اولکه لردن اغیر قوراللرنی ساتیب الیشگه حرکت قیله دی می؟ بوالیب باریله یاتگن بحثلرنهایه سیده معلوم بوله دی."
شونینگ دیک جمهورریسی کرزی 2014 میلادی ییلدن کیین وضعیت منفی تمان اوزگره دی دیگن گپلرنی مطلقا رد ایتدی. همده او ریاست جمهورلیک سیلاو نینگ یوزده یوز اوز وقتیده بولیب اوتیشگه ایشانچ بیلدیردی.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.