BBC navigation

حکومت : خلق ارا انقراض گروهی نینگ چیقارگن حساباتی اساس سیز

Сўнгги янгиланиш 8 октябр 2012 - 13:20 GMT

خلق ارا انقراض گروهی نینگ افغانستان کیله جگی باره سیده نشرایتگن حساباتی افغانستان حکومتی تمانیدن کیسکین قاره لندی.

افغانستان حکومتی اوشبو حسابات نینگ اساسی یوق لیگینی اورغولب قتیغ قاره لب چیقدی، عینی حالده افغانستان حکومتیگه کوره اوشبو حسابات بیرتمانلمه منفی شکلده تیارلنگن.

افغانستان بویچه ینگی حساباتده اگر حاضر ضروری چاره لر کوریلمهسه، ٢٠١٤ ییل ناتو قوشونلری چیقیب کیتیشی حکومت نینگ قوله شی و حتی فقرا لر اوروشیگه ایتکلشی ممکنلیگی بشارت قیلنه دی .
خلق آرا انقراض گروهیگه کوره، افغانستان پلیسی و اوردو سی خوف سیزلیک نی تامینلشگه تیار ایمس.حساباتده حکومت ایککی ییلدن سونگ اوتکزیشی کوتیله یاتگن سیلاولرنی شفاف اوتیشی اوچون لازم حاضرلیکلرنی آلیشی کیرکلیگی ، عکسینچه،جریان قلالبلیکلردن خالی بولمسلیگنی قوشیمچه قیلنه دی

حکومت سوزچیلریدن بیری رفیع فرودس بوحقده شوندی فکربیلدیردی:"افغانستان دولتی نه فقط راپورنی رد قیله دی، بلکه بو حساباتنی تیارله گن کیشیلرنی قتیغ تنقیدایته دی، چونکی اولر بوخصوصده دولت نظرینی اورگنمه گنلر، افغانستان دولتی اون بیر ییل جریانیده جدی سعی قیلیب سیاسی بیرتیزم نینگ اورته گه الیب کیلگن، امنیتی کوچلری میز کوچلنگن، همده بوتون بولیم لرده ایجابی اوزگریش کیلگن، باشقه تماندن حساباتده 2014 میلادی ییلدن کین حکومت سقوط قیلیشی ممکن دیب یازگن، حکومت نه تنها سقوط قیلمیدی، 2014میلادی ییلدن کیین وضعیت یخشی بولیب مردم ایجابی اوزگریش لرگه گواه بولیشی ممکن."

افغانستانده فعالیت الیب باره یاتگن ناتو کوچلری نینگ سوزچیلردن دامنیک میدلی افغان مقاملری نینگ فکرلریگه قوشیلیب، افغان امنیتی کوچلری خوف سیزلیکنی توله تامین لش قابلیتیگه ایگه بولیشیگه ایشانچ بیلدیردی:"افغان امنیتی کوچلری 2014 میلادی ییلدن کیین افغانستانده خوف سیزلیکنی تامین قیلیش اوچون ایترلی کوچگه ایگه بوله دی. ناتو نینگ اساسی دلیلی شو کی هرییلی اون - اون ایککی ملیارد دالر افغان امنیتی کوچلری نینگ مشق بیریش اوچون یاردم بیریلماقده. باشقه بیر دلیل هم افغان کوچلری نینگ کون اوتیشی بیلن کوچله نیشی دیر، افغان امنیتی کوچلری حاضرگی شرایطده 75 فایز خوف سیزلیک مسوولیت لرنی اوز ضیمه سیگه آلگن. "

لیکن حکومت گه سیاسی مخالفت بیلدیریب کیله یاتگن ایریم سیاسی فرقه لر، حالت حاضرگی دیک دوام تارتسه 2014میلادی یلدن کیین وضعیت تابه را یمانله شیشدن خواطرده ، بوحقده حق و عدالت حزبی نینگ سوزچیسی معین مرستیال شوندی دیگن”سیاسی بیر حزب صفتیده 2014 میلادی یلدن کیین ایریم تشویش لری میز بار، بیرینچی سی کیله جک ریاست جمهورلیک سلاوی، ایککینچی خارجی کوچلرنی چیقیب کتیشی اوچینچنی سی هم امنیت مسله سی بولگن، افغانستان حاضر شو اوچو قینچلیک بیلن یوزمه یوز لیکن 2014 میلدی ییلدن کیین حکومت سقوط قیله دی دیگن گپ گه موافق ایمس میز.”

طالبان و ترورچی گروه لرنی یوق ایتیش اوچون امریکا نینگ افغانستانده قیلگن هجومیدن برابر اون بیر ییل اوتدی، لیکن کورنیشچه نه فقط طالبان یوق ایتلمه گن بلکه مملکت نینگ چیککه حدودلریده هم ناتینچلیک لراتریب باره یاتگنی همده غیر مسوول قوراللی لر قیته جان اله یاتگنی اساسی معما گه ایلنگن.

خلق ارا بحران تشکیلاتی نینگ افغانستان کیله جگی باره سیده چیقارگن حسابتی بوباره ده بوگن خواطرلرنی ینه ده کوچیترگن.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.