BBC navigation

محلی حاکم لر نی تعیین لش اوچون کابلگه سناوی یولگه قوییلدی

Сўнгги янгиланиш 6 октябр 2012 - 12:47 GMT

اداری اصلاحات کمیسیونی بوگون یوز تومن حاکمی و اوندن آرتیق ولایت حاکملری اورین باسرلرینی تعیین لش اوچون بیلله شوو سناوینی یولگه قویدی.

بو تومنلر افغانستاند گی تومنلریده گی اوچدن بیرقسمینی تشکیل بیره دی.

اداری اصلاحات کمسیسونی بو سناودن اساسی مقصد محلی حکومت نینگ یخشی لشتریش همده شایسته لیک اساسیده تومن و ولایتلر اورین باسرلرینی تعیین ایتیش دیب فکر بیلدیرگن.

افغان مقاملریگه کوره شو پیتگه قدر اداری اصلاحات آرقه لی یولگه قوییلگن سناو نتجه سیده قریب 150 تومنده حاکم تعیین ایتیلگن.

شو مقصد بیلن افغانستان اداری اصلاحات کمیسیونی باشقه یوز تومن ده حاکم تعیین لش واوندن آرتیق ولایت اورین باسرلرینی تعیین لش اوچون بو پروسه نی بوگون یولگه قوییدی.

ایریم تومنلرده درس اوقیمه گن کیشلرنی حاکم صفتیده وظیفه آلیب باره یاتگنی ایتیله دی.

لیکن محلی ارگانلر اداره سی نینگ ریسی عبدالخالق فراهی سناو آرقه لی تومن حاکملری و ولایت اورین باسرلرینی تعیین لش شفاف وعادلانه بولیب اوتیشگه ایشانچ بیلدیردی.

بوندن آلدین سناوده قته شیب موفق دیه اعلان قیلینگن شخصلرنی حاکم صفتیده تانشتریلمه گنی هم اساسی معما صفتیده کورسه تیلماقده.

هرچند اداری اصلاحات کمیسیونی سناو آرقه لی تومن حاکملرینی تعیین ایتیش پروسه سینی شفاف لیگینی ایته دی لیکن ایریم لر بو پروسه ده اشتراک ایتگن شخصلر سیاسی حمایت دن بهره مند بولمسه سناوده موفقیت قازانیشی ناممکن لیگینی ادعا قیله دی.

شونینگ دیک بو پروسه ده سیاسی معامله لرنی هم اساسی رولی بارلیگی ایتیله دی.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.