BBC navigation

طلبه لر ناراضیلیگی زوراوانلیکگه ایلندی

Сўнгги янгиланиш 8 октябр 2012 - 11:45 GMT

برهان الدین ربای آتیگه مسما بولگن عالی اوقویورت قرشی سیده اوچ هفته دن بیری دوام ایته یاتگن ناراض لیک نمایش لر، بوگون زوراوانلیکگه ایلندی.

کابل پولیسی گه کوره، بو گونکی زوراوانلیکگه قریب اون پولیس ضابطی تن جراحتی آلیب ینه نیچه ناراض طلبه پولیس کوچلری تمانیدن اوشله ب آلینگن.

یوزلب پولیس مأموری برهان الدین ربانی آتیگه مسما بولگن عالی اوقویورت گه قرشی لیک بیلدیره یاتگن بیر قنچه طلبه لرنینگ ترقاقلنتیریش اوچون مذکور عالی اوقو درگاه یانیده کیلیب، مذکور طلبه لرنینگ بیر قنچه سینی اوشله ب آلدی.

کابل پولیسی نینگ جنایی باشلیغی، جنرال محمد ظاهر زوراوانلیکگه ایلنگن بوگونکی ناراضلیک یغینده قریب اون پولیس تن جراحتی آلگنی نی ایتدی.

جنرال ظاهر ناراض طلبه لر بیر قنچه مرموز حلقه لر تمانیدن رهبریت بولیشی نی هم تیلگه آلدی.

"بیر قنچه قوللر بار کی یاشیرینچ شکلده یاشلریمیز احساسی دن سو استفاده قیله دیلر. خواه له یدیلر نمایشلرنی زوراوانلیکگه ایلنتیریب ملی قیین چیلیک توغدیرسه لر. بیز همه میز افغان میز کیچیک قیین چیلیک چیقیشینی هم ایسته مه یمیز. طلبه لرنی سیاست گه نیمه علاقه سی بار، اولر درس اوقیب بیرینچی یا ایککینچی اوریننی اوزیگه ایگلله ب وطن لریگه خذمت قیلیش لری کیره ک. اگرده بولر حاضر بونده ی گپ لرنی کیتیدن یوریسه لر مملکت کیله جگی نیمه بولریکن؟".

شونده ی بیر حالده معترض طلبه لر، برهان الدین ربانی اسمی آستیده درس لری نینگ دوام بیریشی نی ایسته مس لیگی نی ایته دیلر.

" مین بودولت و کابینه سیگه افسوس قیله من. قنده ی آدم لرنی دولت رأسی گه اولتیرغیزگن؟ بیز کرزی نی آلدیگه باردیک، ایتدی کی خطا بولگن مین بونقه بویوروغ بیرمه گن ایدیم، کیین صلاح الدین ربانی نینگ یانیده باردیک اما او کوپ اچیغی بیلن بیزگه جواب قه یتیریب ایتدی کی، مین بو لوحه نی توشیرمه یمن فقط کرزی توشیره آله دی".

اما برهان الدین ربانی آتیگه مسمی بولگن عالی اوقو درگاهیدن حمایت ایته یاتگن طلبه لر ایسه، ناراض طلبه لرنی افغانستان ده بیرلیک و بیردملیگی گه قرشی لیک قیلیش گه عیب له یدیلر.

" تاسف بیلن بوییرده کیلیب قرشیلیک بیلدیره یاتگن لر نی اکثریتی بو عالی اوقو درگاه نینگ طلبه لری ایمس. بولر دعوت عالی اوقو درگاهیدن کیلگن لر دیر یا کی خوشحال خان و کوته ی سنگی دن کیلگن لر دیر. خلص بولر اوشه حلقه لردیر کی افغانستان مردمی نینگ بیرلیگی نی اورته دن ایلتماقچی لر. بیر قنچه دولتی کیشی لر هم تأسف بیلن بولردن حمایت قیله دیلر. ایرته بولر یغیلگن ده پولیس اولرنی اوریشی اورنیده بیزگه هجوم قیلیب بیزنی اوردی".

معترض طلبه لر و ربانی آتی گه مسما بولگن عالی اوقو درگاه دن حمایت ایته یاتگن طلبه لر آره سیده اوریش هم یوزبیریب، حتی کی بیربیروایگه قره ته تاش آتدیلر.

برهان الدین ربانی آتی گه مسمی بولگن عالی اوقو درگاه ده مینگ لب طلبه تحصیل آلماقده اما مذکور اسم گه قرشی لیک بیلدیره یاتگن و یا اوندن حمایت قیله یاتگن طلبه لر سانی هم ایککی یوز دن آرتیق کورینمه یدی.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.