BBC navigation

کیچیک یاشیده بولگن قیزلرنی تورمیشگه چیقاریش ییریک معماگه ایلنگن

Сўнгги янгиланиш 11 октябр 2012 - 13:01 GMT

بیرلشگن ملت لر تشکیلاتی قانونی یاشینی تولدیرمه گن قیزلرنی تورمیشگه چیقاریش حاللرینی الدینی الیش اوچون افغان حکومتینی ایجابی چاره تدبیر کوریشگه چارله گن.

رقم لرگه کوره حاضرگه قره گنده، افغان قیزلریدن 46 فایزی، اون سککیز یاشیده و اون بیش فایز قیزلر هم 15 یاشیده اویلنماقده.

بیرلشگن ملت لر تشکیلاتی کیچیک یاشیده بولگن قیزلر نینگ خلق ارا کونی مناسبتی بیلن ترقه تگن حسابتیده قانونی یاشنیی تولدیرمه گن قیزلرنی تورمیشگه چیقاریش قانون گه قرشی عمل بولگنینی اورغولب شوندی حالت قیزلرنی کیله جک حیاتی گه منفی تاثیر قالدریشدن خواطر اظهارایتگن.

بیرلشگن ملت لرتشکیلاتی نینگ باله لر بویچه جمغرمه سی نینگ سوزچیسی عزیز فروتن بوحقده شوندی دیدی:"افغانستان عیاللرگه قرشی زوروانلیک لرنی الدینی آلیش قانونینی امضاله گن شو نگه ماس کیچیک یاشیده بولگن قیزلرنی تورمیشگه چیقاریش مسله سینی آلدینی آلیش اوچون جدی سعی قیلیش کیره ک.چونکی وایه گه یتمه گن قیزلرنی اویلنتریش میزانی اوته یوقاری، بیرلشگن ملتلرتشکیلاتی حقوقی وقانونی لحاظ دن حکومت ظرفیتینی یوکسلتریش اوچون همکارلیک قیله دی. تاکی قانونی یاشینی تولدیرمه گن قیزلرنی تورمیشگه چقاریش حاللری الدی آلینیسن."

افغانستان دولتی خاتین قیزلرگه قرشی زوروانلیک لرنینگ آلدینی الیش قانونینی امضاله گن. اوشبو قانون اساسیده وایه گه یتمه گن قیزلرنی تورمیشگه چیقاریش جرم حساب لنه دی.

اما شوندی بولسه هم یاشینی تولدیرمه گن قیزلرنی تورمیشگه چیقاریش کوپلب کوزه تیلماقده..

بیرلشگن ملت لر تشکیلاتی شوندی حالت معمالرنی الدینی الیش اوچون حکومت نینگ جدی سعی قیلیشگه چقیرگن.

شونینگدیک بیرلشگن ملت لر تشکیلات مسووللری، کیچیک یاشیده بولگن قیزلرنی اویلنتیریلیشی آلدی آلینسه آنه لرنینگ باله کیتریش چاغیده گی اولیم خطرلرینی کمیشی ممکن لیگینی ایتگن.

اوشبو تشکیلات گه کوره اوتگن اون ییل جریانیده افغانستانده ایریم اوزگریش کیلگن لیکن شوندی بولیشگه قره مسدن حاضرگه قدرهم اون مینگ حامله عیالدن اوچ یوزته سی ولادت پیتی دنیادن کوزیومه دی.بونگه دلیلردن بیری هم کیچیک یاشیده بولگن قیزلرنی تورمیشگه چیقاریش دیب کورسه تیلگن.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.