BBC navigation

ایشسیزلیک ،ییریک بحرانگه ایله نیشی ممکن دیگن خواطرلرنی کوچیتیرگن

Сўнгги янгиланиш 15 октябр 2012 - 12:51 GMT

افغانستان ایشچیلر بیرلشمه سی، ایشسیزلیک معماسی نینگ الدینی الیش اوچون دولت تماندن چاره تدبیرلر قول اوستیگه آلینمه سه 2014 میلادی ییلدن کیین ایشسیزلیک معماسی ییریک بحرانگه ایله نیشدن خواطر بیلدیرگن.

افغانستان ایشچیلر بیرلشمه سی نینگ رییسی معروف قادر بوبحران کوپراق خارجی لر بیلن ایشله یاتگن افغان ایشچیلریگه تاثیر قالدریشی ممکن لیگینی ایتدی:"2014 میلادی ییلدن کیین خارجی کوچلر افغانستاننی ترک ایته دی، اولر بیلن ایشله یاتگن منگلب افغان ایشچیلر ایش سیز قاله دی بو ایسه بیزنینگ اساسی تشویش میز."

خلق ارا یاردمچی تشکیلات لر شونینگ دیک قیته قوریش برنامه لریده ایشله یاتگن کیشیلر اره سیده هم شوندی تشویش لر پیدا بولگن.

شونگه قوشیمچه ایشچیلر بیرلشمه سی مهاجرت دن قیتگن یوزلب ایشچیلرو تحصل الگن شخصلر هم عینی قینچیلیکلر بیلن یوزمه یوز بولیشی ممکن لیگینی ایتگن.

قادر جنابلریگه کوره شوندی معمالرنینگ آلدینی آلیش اوچون انیق طرح نینگ خلق ارا جماعتچیلیگی و افغانستان دولتی بیلن اورته گه قویگینینی تاکیدله گن.

تمل برنامه لرگه کوپراق اعتبار بیریش، کانلرنینگ قازیب چیقاریش همده کمپنیلرنینگ ایجاد ایتیش کبی موضوع لر اوشبو طرح گه کیرتیلگن.

اما افغانستان ایش، اجتماع وشهید لروزیرلیگی نینگ اورین باسری واصل نور مهمند ایش سیزلیک خصوصیده خواطر لر بارلیگنی تن آلیب بیراق، ییریک بحران گه ایلنمسلیگیگه ایشانچ بیلدیره دی:"تشویش لر بولیشی ممکن، لیکن هرقندی طرح نی ایلگر سورگنده ملی وضعیتی میز نظرده توتیلیشی کیره ک مینی ایشانچیم کامل دیرکه خارجی کوچلر چیقیب کیتسه افغانلر ایش سیز قالمیدی. باشقه تماندن خلق را جماعتچیلیگی قیته قوریش وقوریش ایشلرنی دوام ایتریشلرینی تاکیدلب کیلگن."

رقملرگه کوره، افغانستانده اینگ آز اون التی ملیون ایش کوچی موجود ،بوجلمه دن فقط اوچ ملیونی ایش ایگه سی دیر. شوباعث اوتگن اون ییلدن بیری ایشسیزلیک معما سی نی کمیتریش اوچون جدی چاره کوریلمه گنی تورلی خیل تنقید لرگه سبب بولیب کیلماقده.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.