BBC navigation

قیش فصلیده گی طبیعی آفت لرگه قرشی کوره شیش اوچون حاضردن یاردم لرییتکزیلماقده

Сўнгги янгиланиш 17 октябр 2012 - 12:30 GMT

طبیعی آفتلر گه قرشی کوره شیش خلق ارا کونیده افغان رسمیلری دنیا هم جمعیت مملکت لریدن طبعی آفتلر گه قرشی کوره شیش توغری سیده یاردم بیریشینی طلب قیلدی.

مذکور اداره باشلیغ لری، زلزله، سوو تاشقینی و شونگه اوخشش باشقه طبیعی آفت لر گه قرشی کوره شیش اوچون تخنیکی اسباب اسکونه لری یوقلیگی باعث، تلفات رقمی نینگ کمه یتیره آلمسلیک لرینی معلوم قیلگن لر.

شونده ی بیر حالده بوگون مملکت ولسی جرگه سی هم طبیعی آفت لر گه قرشی کوره شوچی اداره سی نینگ اضطرار حالت اعضالرینی مجلسگه چقیریب، کیلیشی کوتیله یاتگن قیش فصلی اوچون ولایت لرگه اجره تیلگن یاردم لر عدالت سیز بولینگنی نی ایتدی لر.

طبیعی آفتلرگه قرشی کوره شیش خلق ارا کونیده حکومت رسمیلری شونده ی بیرحالده تخنیکی اسباب اسکونه لر یاردم لرینی طلب قیلماقده کی، مملکت نینگ ایریم حدود لریده بیلتیر یوز بیرگن طبیعی حادثه لر عاقبتیده، یوزلب انسان هلاک بولدی.

رسمیلر نینگ معلوم قیلیشیچه، طبیعی آفت لر یوزبیریب، ییر و اوی و جایلری نی قولدن بیرگن شخصلرگه دولت یاردم بیره دی.

طبیعی آفتلرگه قرشی کوره شیش اداره سی نینگ باشلیغی محمد دایم کاکر:

" بیر قنچه ولایت لریمیز بار کی قیش فصلیده قارکوچکیسی یوزبیریشی خطرلری بیلن یوزمه یوز. همده سوو تاشقینی خطرلری بیلن دوچ کیله یاتگن منطقه لریمیز هم بار. بیز نیچه مرته خطر لر بیلن یوزمه یوز بولگن اهالی باشقه بیر ییرده انتقال تاپیشی ایلگری سورگن میز. اینگ آز شو اوچ یا تورت آی خطر لر بارلیگی پیتیده اهالی باشقه بیرییرده باریشی نی بیز طلب قیلگن میز".

کاکر جنابلری شونگه قوشیمچه قیلیب، یاردم بیروچی تشکیلات لر آذوق آوقت و شونگه اوخشه گن باشقه یاردم لرینی یوللر بند بولمس دن آلدین خطر لر موجود بولگن منطقه لرده ییتکزیش لری نی هم طلب قیلدی.

اوتگن نیچه ییل دن بیری طبیعی آفت لرگه قرشی کوره شیش اداره سی آفت لر قرشی سیده یخشی کوره شه آلمسلیگی ایتیله دی.

بوگون اولوسی جرگه هم مذکور اداره گه اعضا بولگن نیچه وزیرلیک نی استجواب اوچون چقیردی.

مذکور اداره اورین باسری اسلم سیاس، جاری ییل قیش فصلی اوچون مملکت نینگ 34 ولایتی ده 90 ملیون افغانی مبلغ اجره تگنی نی معلوم قیلدی.

سیاس جنابلری، شونگه قوشیمچه قیلیب، اوچ مینگ دن آرتیق یاردم بیروچی رضا کار شخص لرنی خطر لر موجود بولگن منطقه لرده آماده باش قیلیب قویگنی نی هم ایتدی.

سیاس جنابلری مملکت بویلب آلینگن تیارگرلیک لرنی قرائت قیلگنی دن کیین، ملت وکیل لر بیرقنچه سی تنقیدی بیلن دوچ کیلدی.

ملت وکیل لر محمد کریم خلیلی اضطرار حالت لر باشلیغی همده کرزی اورین باسری محمد کریم خلیلی بوگونکی جلسه ده اشتراک ایتمس لیگی دن شکایت قیلیب، قیش فصلی ده اجره تیلگن یاردم لر جنوبی حدود لردن کوره کوپراق شمالی و مرکزی ولایت لرده اجره تیلگن دیب ادعا قیلدیلر.

" اضطرار کمیسیونی نینگ باشلیغی ملت وکیل لرنی سوراقی و اعتراضی بولگن پیتیده حاضر بولیشی کیره ک. اما بو ییرده کیلیب، بیزگه گزارش لرینی رقم لر بیلن اوقیشی کیره ک ایمس، بولر بو مسئله نی بیر مکتوب شکلده هم یوباره آله دی. هر کون بیز وزیرلرنی ایشلریدن چیقاریب نتیجه سیز مجلسده چقیریشیمیز هم کیره ک ایمس.

قیش فصلیده کوپراق پایتخت کابل نینگ شمالی ولایت لر بیلن باغلنووچی سالنگ شاه یولی انچه قار کوچکی لری بیلن یوزمه یوز بوله دی. هر ییلی قار کوچیشی عاقبتیده مسافر لرنی هلاک ایته دی. اما بو ییل حکومت رسمیلری بو حادثه لرگه انسان لر تلف کورمس لیگی اوچون، سالنگ شاه یولیده هوا وضعیتی نی پیش بینلیک قیله یاتگن ایککی زمانوی دستگاه نی فعال قیلگن. بو ماشین لر خطرلرنی کمه یتیریش اوچون هوا وضعیتی نی بیلگی لنتیریب، مسافرلرگه خبر بیره دی.qooyash

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.