BBC navigation

ناتو باش کاتبی: افغان کوچلری خوف سیزلیکنی تامینلش قابلیتیگه ایگه

Сўнгги янгиланиш 18 октябр 2012 - 11:09 GMT

افغانستانده رسمی سفر قیلگن ناتو باش کاتبی اندریس فوراسموسن، افغان امنیتی کوچلری خوف سیزلیکنی توله تامین قیلیش قابلتیگه ایگه ایکنیگه ایشانچلر کوپیگنیدن خرسند لیک بیلدیردی.

ناتو باش کاتبی، اندریس فو راسموسن، افغان امنیتی کوچلری نینگ خوف سیزلیکنی تامین لش اوچون تیارلیگنی رقم لر بیلن اچیق لب بیردی. اونگه کوره حاضرگی شرایطده افغانستان نینگ سکسن فایز خوف سیزلیگی افغان امنیتی کوچلر تمانیدن تامین له نه دی.

شونینگدیک او، امنیتی کوچلرنینگ مشق تیارگرلیک لردن اوتکزیش دستورینی هم سکسن بیش فایزی افغانستان حربیلر تمانیدن باشقریب کیلنه یاگتیدن خوشبین لیک بیلدیریدی عینی حالده ناتو باش کاتبی خوف سیزلیک مسوولیت لرینی افغان امنیتی کوچلریگه تاپشریش جریانی اوزگرتیریلمسلیگینی تیلگه الدی.

شونگه قوشیمچه ناتو باش کاتبی، ناتو چوکاتیده بولگن چیت ایللیک حربیلر، افغان کوچلری نینگ تورلی خیل قورال اسلحه بیلن جهازلنتریش اوچون ایریم برنامه لرنی قول استیگه الگنیدن خبربیردی. همده او، قوراللردن قندی فایده له نیش، وحربی بولیم لرنی قندی اداره قیلیش مسله لری هم افغان کوچلریگه مشق بیریلیشینی تاکیدله دی. ناتو باش کاتبی بوکبی برنامه لری عملی بولیشی بیلن افغان کوچلری نینگ بوندن کوره هم کوچله نیشگه امیدبیلدیردی.

بیراق افغانستان جمهورریسی حامدکرزی، قوشمه مطبوعات انجمنیده، تروریزم گه قرشی کوره شیش اوچون پاکستان دولتی نینگ جدی همکارلیک قیلیشی کیره ک لیگینی اورغوله دی.

هرچند چیت ایللیک مقاملر، همده افغان حکومتی افغان امنیتی کوچلری خوف سیزلیکنی توله تامین قیلیش قابلیتیگه ایگه بولیشینی ایته دی، لیکن بومسله موهوم قاله یاپتی، چونکی حاضرگه قدرهم هوای کوچ یخشی جهازلنمه گن و عصیانچیلرنینگ کریب کیلیشی آلدیی آلینمه گن . باشقه تماندن الیب قره گنده عصیانچیلرهم اوز ارا کیلشمه یاتیر.بوکبی موضوع لر ایسه، 2014 میلادی ییلدن کین وضعیت منفی تمان اوزگره دی دیگن خواطرلرنی کوچیتیرگن.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.