BBC navigation

افغانستان وزیرلر کینگاشی مملکت صنعت پالیسی سینی تصویب ایتگن

Сўнгги янгиланиш 20 октябр 2012 - 11:50 GMT

افغانستان صنعت پالیسی سیده اقتصادی بولیم لرده حکومت نینگ اره لشیشیگه حق بیریب همده حکومت سرمایه یاتقیزوچیلرگه قوله یلیک لر یره تیشیگه مسوول قیلگن.

بوندن آلدین حکومت اقتصادی مسئله لر نینگ کوپ حالت لریده اره لش حقی گه ایگه ایمس ایدی.

شونده ی بیر حالده افغان صنعت چیلری هم حکومت تمانیدن مذکور پالیسی تایید بولگنیدن خرسند لیک بیلدیرگن لر.

افغانستان تجارت وزیری انورالحق احدی گه کوره، ینگی صنعت پالیسی سی ترقی تمان یول آلگن مملکت لر اوچون اینگ یخشی پالیسی دیب بیلینه دی. بو پالیسی افغانستانده گی دونر لر، خلق ارا پول صندوقی، خلق ارا بانکی و آسیا ترقیات بانکی نینگ حمایتی آستیده هم کیرگن.

احدی جنابلری نینگ معلوم قیلیشیچه، مذکور پالیسی، وارد قیلیش مسئله لرنی کمه یتیریشیده یاردم بیریب لیکن بیر مملکت ده انچه نرسه لرنی ایشله ب چیقاریش اوچون زمین یره ته دی.

" ینگی پالیسیده بیز گمرک تعرفه لریدن فایده لنه میز. شونینگ دیک تاجرلر بیزگه کورسه تسین که مثلن بیش یا اون ییل دن کیین ایشلری رواج تاپگن و رقابت قیلیشگه قادر. اوتگن نیچه ییل جریانیده بیز نینگ تعرفه لریمز وارد قیله یاتگن لرگه کوپراق یاردم بیرگن ایدی".

عین دمده تجارت وزیری مذکور پالیسی اساسیده صنعت صندوقی ترقیاتی اوچون سرمایه دار لر مذکور صندوق دن قرض آلیب ایشلرینی ترقی بیریش لری ممکن لیگی نی هم تیلگه آلدی.

باشقه تماندن افغانستان صنعت لر انجمنی نینگ رییسی عبدالجبار صافی، مذکور پالیسی عملی بولیشی بیلن، افغانستان صنعتی رواجلنیشینی ایتدی.

" اون ییل دن بیری بیزگه صنعت بولیمیده پالیسی توزه لیش طلبه نی یولگه قویگن ایدیک. بو یخشی قدم بولدی. اما بیز عملی بولیشی نی کوته میز. بو پالیسی صنعت کارلر ایسته گی اساسیده عملی بولسین یعنی ایچکی تولید قیلوچی لرگه مملکت ده زمین یره تیلسین. تا کی بیز نینگ پول لریمیز خارج گه مصرف بولمه ی و ایشچی لریمیز هم ایش یوق لیگی اوچون خارج که کیتمه سه لر".

افغانستان حاضر مصرف قیلوچی بیر مملکت ده ایلنگن. شو نینگ دیک مملکتده تولید بوله یاتگن کوپگینه نرسه لر هم خارج دن کیلتیریله دی.

خارج دن وارد بوله یاتگن مال لر افغانستان نینگ اوز صنعتی نی قیین چیلیک لر بیلن یوزمه یوز قیلینگنی هم ایتیله دی

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.