BBC navigation

حقوقدان لر شبکه سی، اولوسی جرگه دن تنقید قیلدی

Сўнгги янгиланиш 21 октябр 2012 - 11:58 GMT

افغانستان حقوق شناس و مدنی مرکزی نینگ هماهنگ قیلوچی تشکیلات، اولوسی جرگه تمانیدن تصویب ایتیلگن مستقل سیلاولر کمیسیونی و سیلاولر شکایت لری کمیسیونی نینگ تشکیل و صلاحیت قانونی نینگ ناقص و خواطرلی دیب ایتگن.

مذکور تشکیلات سنا مجلیسیده بیر پیشنهاد ایلگری سوریب، مذکور قانون گه بیر قنچه اوزگریش لرنی سوره گن.

مذکور تشکیلات گه کوره، اگرده سیلاولر قانونیگه اوزگریش کیلمسه، 2014 میلادی ییلیده یولگه قوییلیشی کوتیله یاتگن سیلاولر اوتگن سیلاولر دن کوره هم شفاف سیز و یمان اوتیشی ممکن.

مذکور حقوقشنان لر، اولوسی جرگه تصویب ایتگن هر قنده ی قانون نینگ سنا مجلسی اوزگرتیریش حقی گه ایگه ایکن لیگی نی هم ایته دیلر.

حقوقدانلر شبکه سی و مدنی جمغرمه لر مرکزی نینگ هماهنگ ایتوچی اعضالری، سیلاولر هر ایککله کمیسیونیده مدنی جمغرمه فعاللری نینگ اورنیده سیاسی حزب لرگه اورین بیریلیشی دن تنقید قیلماقده لر.

شو نینگ دیک مذکور تشکیلات، اولوسی جرگه تمانیدن سیلاولر شکایت لری کمیسیونیده ایککی خارجی نینگ اعضالیگی نی قبول قیلینگنی دن هم تنقید ایتگن.

مذکور تشکیلات حقوق شناس لریدن عبدالستار سعادت، اولوسی جرگه نینگ مذکور قراری، افغانستان باش قانونی و بیرلشگن ملت لر تشکیلاتی نینگ منشوریگه ضد بیر عمل دیب ایته دی.

افغانستان جمهور رییسی حامد کرزی، نیچه کون آلدین سیلاولر شکایت لری کمیسیونیده خارجی لرنینگ اعضا لیگی ملی حاکمیت گه ضد بیر عمل ایکنی نی هم ایتگن ایدی.

شو نینگ دیک کرزی جنابلری، بیرلشگن ملت لر تشکیلاتی سیلاولر جریانیدن نظارت ایتیشی نی طلب قیلگن ایدی.

شونده بیر حالده افغانستانده گی کوچلی سیاسی حزب لر نینگ اکثریتی افغانستان سیلاولری جریانی خارجی لر تمانیدن نظارت بولیشی، سیلاولرنینگ شفاف بولیب اوتیشگه جدی یاردم بیریشی نی ایتگنلر.

بوگونکی یغین اوتگزگن حقوق شناس لر، سیلاولر قانونیده جزایی مسئله بولمه گنی، قلاب کار لر اوچون یخشی زمینه یره ته دی دیب معلوم قیلگن.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.