BBC navigation

اندونیزیاده گی مینگلب افغان مهاجرلری تقدیر سیز

Сўнгги янгиланиш 22 октябр 2012 - 12:50 GMT

غیرقانونی قانونی شکلده اوزلرینی استرالیا گه یتکزیش اوچون افغانستان دن چیققن مینگلب افغان مهاجرلری اوته بد وضعیت ده اندونیزیاده تقدیر سیز حیات اوتکزیب کیله یاتگنی ایتیلماقده.

آسیا جنوب شرقیده جایلشگن اندونیزیا حاضرگی شرایطده مینگلب افغان قاچیقنلری نینگ میزبانی، بو قاچقینلرنینگ اکثریتی استرالیاگه باریش اوچون قانونی ویاهم غیر قانونی شکلده اوشبو اولکه گه سفر قیلگن.

اندونیزیا گه باریش هم اونچه لیک اسان بولمی حتی کی جانی خطرلر بیلن بیرگه بولیشی ایتیله دی.

افغانستان نینگ اندونیزیاده گی ایلچیسی غلام سخی غیرت، حاضرگی شرایطده اوچ – بیش مینگ افغان مهاجرلری اندونیزیاده استقامت قیلیب کیله یاتگنینی معلوم قیلگن.

عینی حالده سفیر جنابلری بی بی سی بیلن بولگن صحبتیده افغان مهاجرلریدن توقسن فایزی یاشلر ایکنینی اورغولب اوییرده گی افغان مهاجرلری وضعیتی باره سیده شوندی فکر بیلدیرگن:"اوچ کته گوری اساسیده بو مهاجرلر حقیده صحبت قیلیش ممکن، خلق ارا مهاجرت تشکیلاتی حمایه سی دن بهره مند بولگن افغان قاچقینلر ایش واویلری بار حیات لری یخشی، غیر قانونی کیلگن مهاجرلر فرقلی جایلرگه جایلشتریلگن حیات لری هم فرقلی، بعضی لرینی یشش شرایطی یخشی وبعضیلرینی که هم یخشی ایمس. یعنی بیرسالونده یللیک و التمیش نفر حیات اوتکزماقده."

شونینگ دیک، ایریم افغان مهاجلری اندونیزیا ده محبوس شکلده سقله نیب کیلینه یاتگنی هم ایتیله دی. سفیرجنابلری بوکبی خبرلرنی تصدیق لب بیراق قنچه افغان لر قماققه بولگنی باره سیده انیق حسابات یوق لیگینی ایتدی.

کوپچیلیک اندونیزیا ارقه لی استرالیا گه باریش اوچون اورین گن لیکن اوتیب کیتیشیگه موفق بولمی آیلر حتی کی ییللرچه اندونیزیا ده قالگن. اولرنینگ بعضیلری اندونیزیاده گی قماق خانه لرده کلتک له نیب و نهایت روحی کسللیگه چیلنگنی ایتله دی. جناب سفیر هم بو کبی خبرلرنی تصدیق له دی:"بعضی افغان مهاجرلرینی کوردیم که قریب عصابینی قولدن بیرگن ایدی همده اوردوگاه دن قاچیشگه حرکت قیلیب اندونیزا پلیس تمانیدن اوشلنگن تورت کیشی قتیغ کلتک لنگن اولردن بیته سینی اولگنیگه گواه بولدیم.اوچ کیشی هم اندونیزیا پلیس تمانیدن شوندی قیناق لنگن ایدی هیچ بیر اعضاسی سالم ایمس ایدی. بیز شکایت لر بیلن چیقدیک اوندن کیین شو عملگه قول اورگن اندونیزیا پلیس لری اوشلندی."

رقم لرگه کوره، سونگی اوچ ییلده اندونیزیادن استرالیا گه اوتیشینی مقصد قیلگن 650 نفر مینیلگن کیمه لر سووگه باتدی بو مهاجرلرمابینده اونلب افغان مهاجرلری هم موجود ایدی.

افغانستانده خوف سیزلیک وضعیتی تابه را یمان له شیب باره یاتگنی اقتصادی قینچلیک لر منیگلب افغان یاشلرینی چیت ایللیک مملکت لر اینیقسه اروپا واسترالیا اولکه لریگه غیرقانونی ویاهم قانونی شکلده مهاجرت قیلیشگه مجبور لنتیرگن. شوندی مقصد بیلن چیققن شخصلرنی ایریم لری اوز مقصد لریگه ایریشمی اندونیزیا ویونان کبی اولکه لرگه تقدیر سیز حیاتب اوتکزیب کیلماقده. ایتلیشچه سونگی ییللرده استرالیا و اروپالیک اولکه لرده هم پاش پناه بیریش امکانیتی بیراز چیکلنگن.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.