BBC navigation

افغانستان غربیده 10 نفردن کوپراق حکومت عسکری هلاک بولدی

Сўнгги янгиланиш 23 октябр 2012 - 10:39 GMT

افغان خوف سیزلیک کوچلری کاروانی طالبان تمانیدن هجوم آستیگه کیلگن .

افغانستان رسمیلریگه کوره، مملکت غربیده گی هرات ولایتده حکومت کوچلری و عصیانچیلر اورته سیده یوز بیرگن قوراللی توقنه شوده کمیده 10 نفر خوف سیزلیک خادمی هلاک بولگن .
رسمیلرنینگ معلوم قیلیشلریچه، طالبان عصیانچی لرنینگ موترکاروانیگه هجومی عاقبتده بیش نفر پلیس خادمی، جمله دن "آبی" تومنی پلیسی نینگ باشلیغی ، و بیش نفر حکومت عسکری اولدیرلگن.
طالبلرنینگ ایککی رهبری هم هلاک بولگن و 25 عصیانچی حبسگه آلینگن، دییه علاوه قیلگن رسمیلر.
ناتو قوشونلری 2014 ییلیده افغانستان دن چیقیب کیتیشگه تیارگرلیک کوریشرایکن افغان پلیسی و قوشونلری ضمه سیگه خوف سیزلیک نی تامینلش یوکلنماقده. طالبلر هجومی آبی و چشت شریف تومنلری اورته سیده جینوا منطقه سیده دوشنبه کونی کیچقرون صادر ایتلگن، دیب ایتگن هرات و لایت حاکملیگی افغان اسلامی مطبوعات اخبارات آژانسیگه.
طالبان حرکتی حاضرگه قدر حادثه گه ایضاح بیرمه گن.
مخبرلر سوزلریگه کوره ، افغانستان اردو سی خوف سیزلیک نی اوز ضمه سیگه آلر ایکن اونینگ صفلریده تلفاتلر سانی کون ساین آرتیب بارماقده.
عصیانچیلر هجومی اساسن مملکت جنوبی و شرقیده صادر ایتلسه-ده ، آخرگی پیتلرده غربی هرات ولایتی هم زوروانلیکلرگه صحنه بولماقده.
ناتو هرات شهریده خوف سیزلیکنی افغان کوچلریگه 2011 ییلیده تاپشیرگن ایدی.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.