BBC navigation

میمنه ده گی خودکش لیک هجومیده کمیده 41کیشی هلاک بولگن

Сўнгги янгиланиш 27 октябр 2012 - 08:26 GMT

فاریاب ولایتی نینگ مرکزی میمنه ده گی عیدگاه مسجدی قرشیسیده عملگه آشیریلگن هجوم نتیجه سیده 40 کیشی دن کوپراق انسان هلاک بولگن و ینه 50 گه یقین کیشی یره دار بولگنی ایتیلماقده.
قربان هییت مناسبتی بیلن اوتکزیلگن نمازده ولایت حاکمی و پولیس قوماندانی قتنه شگنی ایتیله دی، بیراق مذکور مقام لر بو حادثه دن آمان قالگن لر.
رسمیلر معلوماتی گه کوره، تلفات لر آره سیده عادی فقرالر و پولیس ضابطلری بولگن. عین دمده کیچیک باله لر هم یره دار بولگن لر قطاریده کورینگن.
گواه لر و رسمیلر، خود کش هجومچی نماز توگه شی بیلن مسجد گه یقینله شیب، اوزینی پارتله تیب یوبارگنینی ایتگن لر.
ولایت حاکمی اورین باسری بی بی سی بیلن بولگن صحبتیده، هجومچی پولیس اوستباشینی کییب آلگنینی معلوم قیلگن.
هجوم اوچون هیچ کیم مسوولیتنی اوز بویینیگه آلمه گن. طالبان سوزچیسی اوز حرکتی بو کبی هجومنی تیارلمه یاتگنینی بیلدیرگن.
باشقه تماندن حامدکرزی بویروغی اساسیده، تیناون ایچکی ایشلر وزیری، ملی خوف سیزلیک اداره سی نینگ رییسی، عامه ساغلیق نی سقله ش وزیری و ینه بیر قطار اداره لر باشلیغی نینگ میمنه گه یوبارگن.
مذکور گروه هیئت تیناون فاریاب محلی رسمیلر بیلن جلسه اوتکزیب بوگون هم فاریابلیک اهالی بیلن اوچره شیش لری بیلگی لنگن.
مذکور هیئت نینگ قیلگن سفری دن اساسی مقصد، فاریاب وضعیتی نینگ تیکشیریش، و مردم طلب و ایسته ک لری نینگ مرکزی حکومت گه ییتکزیش دیب ایتیلگن.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.