BBC navigation

بدخشانلیک لر: قیته قوریش برنامه لری کوپراق ولایت مرکزیده عملگه آشریلگن

Сўнгги янгиланиш 28 октябр 2012 - 05:36 GMT

افغانستان شمال شرقیده جایلشگن بدخشان ولایتی نینگ اهالیسی اوشبو ولایت ده قیته قوریش وقوریش ایشلری تینگ بیرشلکده عملگه اشریلمه گنینی قیتغ قاره له ماقده.

اهالیگه کوره، فیض اباد شهریده کوپراق اعتبار قره تیلیب تومنلرده ایجابی ایشلر عمل گه اشریلمه گن .

بدخشان ولایتیی نینک مرکزی فیض آباد شهریده قیته قوریش ایشلری انچه عملگه اشریلیب شهرسیماسینی اوزگرتیرگن، جاده لر یقینده اسفالت له نیب شهر یاقدولیگی اوچون جاده لرده سولر قوندیریلگن. فیض اباد یشاوچیلردن بیری عبدالذاکر، قیته قوریش ایشلریدن انچه راضی ایکنینی ایتیب بوحقده شوندی دیدی:"فیض آباد شهریده قریب یتمیش فایز قیته قوریش ایشلری عملگه اشریلگن، کرزی یولی میزنی توزه تدی، لیکن اسفالت لنگن یوللرنی بوزیلمسی لیگی اوچون اعتبار قره تیلمیدی:

فیض آباد شهر نینگ عمومی یوللریدن تشقری کوچه لری هم اسفالت لنگن

کشم تومنی نینگ گندم قول دیب اتلگن منطقه سیدن فیض اباد شهریده کیلگن حاج عبدالخیر، دنیاجماعت چیلیگی نینگ یاردملری فقط شهرمرکزلریده صرف ایتلگنینی اورغولب چیککه حدودلرده ایجابی برنامه لر یولگه قویلمه گنیدن جدی شکایت ده اونگه کوره، منطقه یشاوچیلری شوندی شکایت لر بیلن چیققن لیکن اهالینی بوکبی شکایت لریگه هیچ قندی اعتبار قره تیلمه گن.

گندم قول اهالسیدن باشقه بیری ایسه بعضی بیر قیشلاق لرده کلینک، مکتب وحتی ایچیم لیک سوو بولمه گنینی ایته دی.

بدخشان ولایتی نینگ ولایتی کینگاش رییسی ذبیح الله عتیق مردم نینگ بوکبی شکایت لرنی تصدیق لیدی. همده او، دولت تمانیدن یولگه قوییلگن برنامه لرنی تنقید آستیده آلیب، بوحقده شوندی فکر بیلدیره دی:"تاسف بیلن بدخشانلیک لر اوچون دواملی ایش زمینه سینی یره ده دیگن قندی دیر پروژه یوق، همده 610 مکتب دن اوچ یوزته سی بیناگه ایگه ایمس، دولت قینچلیک لرنی اساسی شکلده حل ایتش نیتده بولسه، بولایت ده گی آلتین لاجورد کبی کانلرنی قازیب چیقاریش اوچون سعی قیلسین مینگلب کیشلرگه ایش زمینه لری یره تیله دی تاسف بیلن دولت بوخصوصده قندی دیر اعتبار قره تمه گن."

بدخشان ولایتی نینگ ولایتی کینگاش رییسی مولوی ذبیح الله عتیق گه کوره ، اوشبو ولایتده گی مکتب لردن قریب یریمی بیناگه ایگه بولمه گن

خوب بوکبی تنقید و شکایت لرگه بدخشان ولایتی نینگ حکومت ادملری نیمه دیماقده ، بوحقده بدخشان ولایت حاکمی سوزچیسی عبدالمعروف راسخ:"سرک ، کلنیک، مکتب لر بیناسی یککه مرکزده ایمس بلکه بوتون تومنلرده قیته قوریش قوریش ایشلری عملگه آشریلگن. اوتگن ییل 237 پروژه عملگه اشریلدی. قیته قوریش وقوریش ایشلری ولایت بویلب تینگ بیرشکلده عملگه اشریلگن. اشکاشم ، واخان اره سیده گی یول قوریلماقده، واخان ده سولر ترقه تیلدی. لیکن مردم تومنلرده ایش بولمه گن دیدی بوکبی ادعالرنی حقیقتی یوق."

ولایت حاکمی سوز چیسی جناب راسخ قیته قوریش وقوریش ایشلرینی تینگ بیرشکلده عملگه آشریلگنینی ایتدی.

شونینگ دیک راسخ جنابلری، بوندن بیرنیچه ییل الدین فیض آباد و تخار اره سیده گی شاه یول نینگ 150 میلیون دالر هزینه بیلن قوریلگنی ،همده بهارک فیض آباد مابینده گی یول نی 65 میلیون دالر هزینه بیلن اسفالت لنه یاتگنی اوشبو ولایتده قیته قوریش ایشلری یخشی عملگه اشریلگنی گه اساسی دلیل دیب کورستدی.بدخشان افغانستان نینگ اوزاق وتاغلی ولایت لریدن بیری بولیب، ایریم تومنلریده موتریولی بولمه گن. ایریم لرگه کوره شوندی منطقه لرده کوپچلیک کلنیک مکتب وایچیم لیک سودن بهره مند ایمس. اوتگن اون بیرییلدن بیری، دنیاجماعت چیلیگی نینگ مالی یاردمی اساسیده افغانستان بویلب قیته قوریش وقوریش ایشلری عملگه اشریلیب کیلینماقده لیکن کوپچلیک بوکبی برنامه لردن اونچه لیک خوشبین ایمس.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.