BBC navigation

واشنگتن گه سفر قیلگن ایککی افغان مقامی درک سیز یوقالگن

Сўнгги янгиланиш 3 ноябр 2012 - 13:21 GMT

امریکا نینگ فیدرال پولیسی یا ایف بی ای اداره سی افغانستان ملی امنیت اداره سی نینگ ایککی یوقاری مرتبه لی خادمینی واشنگتن ده درک سیز یوقالگنیدن خبربیرگن.

معلومات لرگه کوره بو ایککی یوقاری مرتبه لی خادم ترنینگ اوچون امریکاگه بارگن ایکن، اما افغانستان ده قیته یاتگن کونی یوقالگن.

امریکا سی بی ایس تلویزیون کانالی بو ایککی افغان مقامینی تاپیش اوچون ایف بی ای پولیسی بو شخصلرنی تاپیش اوچون قیدرو عملیاتینی باشله گنی باره سیده معلومات بیرگن.

امریکا لیک رسانه لر اوشبو ایککی مقام نینگ بیری افغانستان ملی امنیت اداره سی نینگ ترویزم وجنایت چلیککه قرش کوره شیش اداره رییسی وباشقه بیری هم امنیت اداره سی نینگ امریکا و اروپا بویچه بولمی معاونی دیه تانشتیرگن.

افغانستان ملی امنیت اداره سی ایککی افغان امنیتی مقامی ایمس بلکه اوشبو اداره نینگ عادی ایشچیلری درک سیز بولگنینی تصدیق لب بوحقده تیکشرو ایشلری باشلنگنینی ایتگن. بوحقده اوشبو اداره سوزچسی شفیق الله طاهری جنابلری شوندی دیگن:"یخشی بیله سیز درک سیز بولگن دیگن سوز، تورلی معنی بیریشی ممکن، درک سیز بولگن یککه باش پناه سوره ش معنی سیده ایمس دیر. بوباره ده بیرتیم تعین ایتیلگن تحقیقات میزنی دوامی بار، تحقیقات توگه گندن کیین بولرنی قندی درک سیز بولگنی بونگه عامل نیمه بولگنی باره سیده معلومات بیریشی میز ممکن.حاضرگه قدرهم اولرنی باش پناه سوره گنی باره سیده انیق حسابات چیقاریلمه گن."

ایککی افغان امنیتی مقامی کیتگن اوشبو ترنینگ برنامه سی امریکا و المان دولتی نینگ قوشمه فعالیتی بولیب ، مرکزی المان نینگ آلپ منطقه سیده جایلشگن.

اما بو برنامه نینگ بیرقسمی افغان مقاملرینی واشنگتن گه سفر قیلیب پنتاگون و فیدرال پولیس مقاملری بیلن اوچره شیشدن عبارت بولگن.

همده دیموکراسی تیزم لردن بهر مندبولگن دولت نینگ امنیتی نهاد لرینی قندی فعالیت قیلیشی لری هم اوشبو مرکزفعالیتی نینگ باشقه بیر قسمی بولگن.

ایککی امنیتی افغان مقامی نینگ درک سیز یوقالگنی باره سیده ایف بی آی پولیس اداره سی امریکا ده گی هوا قونالغالری وبرچه منطقه لرده آگاه لنتریش خبرینی ترقه تگن.

بو بیرینچی مرته ایمس دیرکه، ترنینگ ویاهم مشق تیارگرلیک لردن اوتیش اوچون اروپا و امریکالیک اولکه لرگه سفر قیلگن افغان مقاملرینی درک سیز یوقالگنی خبرقیلنه دی، بلکه بوندن الدینلر هم بیرقنچه افغانلرنینگ شوندی برنامه لر ارقه لی سفر قیلیب قیتب کیلمه گنی خصوصیده خبرلرترقه تیلگن.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.