BBC navigation

اهالی قتلی گه عیبدار امریکالیک عسکر محاکمه بولماقچی

Сўнгги янгиланиш 5 ноябр 2012 - 12:39 GMT

قندهار ولایتی نینگ پنجوایی تومنیده اون آلتی عادی افغاننی قتل ایتیشگه عیبلنگن امریکا لیک عسکر روبیرت بیلز بوگون امریکا ده گی حربی محکمه لردن بیریده حاضر بولماقچی.حربی محکمه اوشبو عسکر نینگ محاکمه بولیش بولمسلیک قرارینی آلیشی ممکن.

ایتیلیشچه گواه لر نینگ انترنیت ترماغی |آرقه لی قندهار دن توریب حادثه باره سیده محکمه گه گواهلیک بیریشی کوتیله دی. مارچ آیی نینگ اون بیرنیچیسده یوزبیرگن حادثه ده اوز ایناغه سینی قولدن بیرگن حاج باران محکمه نینگ انیق بولیب اوتیشدن خبردار ایمس لیگینی ایته دی.

"امریکا لیک عسکر نینگ بوگون محکمه بولیشی خصوصیده مینی خبریم یوق، آلدین لر عادی اهالی نی قتل ایتیلگن امریکالیک عسکرنینگ محکمه بولیشی باره سیده بیزگه خبر بیریلگن ایدی. انیق قچان وقندی بولیب اوتیشی خصوصیده بیزگه هیچ کیم هیچ نرسه ایتمه گن.اونینگ بوگون محکمه بولیشینی رادیوارقه لی اشتیدیم."

شونینگ دیک حاج باران، بوندن الدین امریکا لیک لر گواهیلیک بیروچیلر حجت لرینی تیارلش پیامینی اولرگه ییتکزگن چونکی شاهدلیک بیریش اوچون اونگه کوره اولرنی امریکا گه انتقال بیریشی ایتگن. لیکن ریجه عملگه اشریلمه گن.

باشقه تماندن قربان لر یقین لری نینگ اکثریسی حج مراسمیگه کیتگنی اساسی قینچلیککه ایلنگن . شوندی بولسه هم حاج باران انترنیت ارقه لی گواهلیک بیریش اوچون باشقه شخص لر هم موجود لیگنی ایته دی.

قندهار ولایتی نینگ پنجوایی تومنیده عادی تنیچ فقرانی قربان ایتیشگه عیبلنگن امریکا لیک عسکر التی مرته هم قتل قیلیش اوچون اورین گنیگه عیبلنگن.

قتل گه عیبدار تانیلگن امریکا لیک عسکر روبرت بیلز نینگ ملکی حمایه سی چی اونینگ قندهار حادثه سیدن آلدین هم روحی سلامت لیگی یخشی بولمه گنینی اظهارایتگن. همده اونینگ محکمه گه حضور تاپیشی ایتلسه ده لیکن محکمه ده گپیرمسلیگی ممکن دیگن خبرلرهم ینگرماقده.

گزارشلرگه کوره اگرده گواهلر 16 تینچ فقرا قتل ایتلگنی باره سیده انیق حجت لرنی ایلگری سوریشگه قادر بولمه سه امریکا لیک عسکر نینگ محاکمه بولمه یشی ممکن لیگی اورغولنماقده.

قربان لر یقینلری انیق حجت لر موجودلیگینی سوزیوریتیب امریکا لیک عسکر نینگ محاکمه بولیشگه ایشانچلری کامل ایکنینی ایتگن لر.

میلادی 2012 . ییل نینگ مارچ آی اون بیرینچیسده کیچه کیچ قرون قندهار ولایتی نینگ پنجوایی تومنیده عیبدار امریکا لیک عسکر بیر اویده کیریب 16 تینچ فقرانی هلاک ایتیب وبیرقنچه کیشینی هم یره لنتیرگنی ایتیلگندی.

بوحادثه ایسه امریکا و افغانستان دولتی اره سیده گی رابطه لرنی هم ترنگلشتیریب حاضرگه قدرهم قیزیق بحث لرگه سبب بولیب کیلماقده.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.