BBC navigation

مقاملر: ملی اردو نینگ کچکی عملیات لریده عادی اهالی تلفاتی یوزبیرمه گن

Сўнгги янгиланиш 5 ноябр 2012 - 12:12 GMT

افغانستان مدافعه وزیرلیگی، کیچکی عملیات لرنی افغان کوچلری خارجی لردن اوز ایلکه لریگه آلگنی دن بیری، عادی اهالی تلفات یوزبیرمه گنی نی ایته دی.

خارجی کوچلری نینگ هوایی هجوملری آرقه لی کیچکی عملیات لریده عادی اهالی تلفاتی یوز بیرگن موضوع سی، افغانستان دولتی نینگ قتیغ تنقیدی بیلن دوچ کیلگن ایدی.

خوف سیزلیک مقاملر، کیچکی عملیات لر قضایی ارگان لرنینگ کتبی موافقه سی بیلن عملگه آشیریلیب، ضرورت بولگن پیتده هم اوی لرنینگ تیکشیریشیده عیال حربی لری وظیفه لنتیریله دی.

حاضر، افغانستان ملی اردو سی نینگ مخصوص کوچلری، زمانوی حربی اسباب اسکونه لر بیلن جهازلنتیریلگن.

ناتو نینگ کیچکی عملیات لریده عادی اهالی تلفاتی یوز بیرگنی آرتیدن افغان لر اینیقسه جمهور رییس کرزی نینگ قتیغ تنقید لری باعث، کیچکی عملیات مسوولیت لری ملی اردو نینگ مخصوص کوچلری گه تاپشیریلدی.

ملی اردو کوچلری نینگ مخصوص کوچلری قوماندانی جنرال سید عبدالکریم مخصوص عملیات لر فرقه سیده، اون مینگ نفری بارلیگینی معلوم قیله دی.

" حاضر هم بیز ترقی ایتماقده میز. هوایی بولیمیمیز یقینده فعال بوله دی. زمینی بولیمیده حمایت ایتوچی کوچلریمیز هم فعال بولماقده. استخبارات بولیمیده بیز پرسونل آلگن میز، حاضر تعلیم کورماقده. بیزنینگ مخصوص قطعه لریمیز کیله سی ییل نینگ سونگی گه قدر 12 مینگ شخص گه ییتیب باره دی".

بوندن آلدین خارجی کوچلر کیچکی عملیات لرنی یولگه قوییب، مظنون شخص لرنی حبس گه آلریدیلر.

اما ایندی کیچکی حربی عملیات ده مظنون لر تیکشیریلیب، کیینچه لیک ملی خوف سیزلیک اداره سیگه تاپشیریلیشی ایتیله دی.

جنرال سید عبدالکریم گه کوره، افغان کوچلری تمانیدن حاضرگی یولگه قوییله یاتگن کیچکی عملیات لرده، بیر یا ایککی خارجی حربی تخنیک و هوایی بولیمی ده افغان کوچلری بیلن یاردم بیره دی.

افغان رسمیلری، خارجی لر بوندن آلدین یولگه قویگن اکثریت کیچکی حربی عملیاتی افغانستان خوف سیزلیک کوچلری هماهنگ سیزلیگی بیلن یولگه قوییلگنی نی ایته دیلر. لیکن حاضرگی یولگه قوییله دیگن هر بیر کیچکی عملیات، قضایی ارگان مسوولری نینگ کتبی موافقه سی بیلن عملگه آشیریلیشی نی بیان ایته دیلر.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.