BBC navigation

حقبین: سرپل قیافه سی، بیر تومن قیافه سیگه هم اوخشه مه یدی

Сўнгги янгиланиш 5 ноябр 2012 - 10:44 GMT

سرپل یشاوچی لری، مذکور ولایتده قیته قوریش ایشلری بجریلمه گنی دن شکایت ایتماقده.

سرپل یشاوچیلری، اوشبو ولایت نفت لری نینگ ایشله ب چیقاریش شرطنامه سی چین لیک بیر شرکت بیلن امضالنگنینی مذکور ولایت قیته قوریشی توغری سیده ایجابی تأثیر قوییشی ده امید بیلدیرماقده.

سرپل شهریگه کیرگنیمدن قریب بیر ساعت اوتگنیده، مذکور شهر باشقه ولایت لر مرکزی دیک کورینمه دی. شهر نینگ اکثر سرک لری اسفالت بولمه گن. بونگه نیمه لر سبب بولگنی نی سرپللیک لربیری زین الله دن سوره گنیمده، اوتگن 11 ییل دن بیری، مرکزی حکومت یالغیزگینه، محلی حاکم لری نینگ المشتریب یوریگن لیکن مردم اوچون هیچ قنده ی تمل پروژه نی باشلنمه گنینی ادعا قیلدی.

باشقه یشاوچیلر هم خود شو یاش ییگیت دیک، سرپل ده قیته قوریش ایشلری یخشی ایلگری کیتمه گنی دن خرسند سیزلیگی نی بیان ایته دیلر.

سرپل ولایتیده قیته قوریش ایشلری اوتگن نیچه ییل دن بیری خلق ایسته گی دیک رواجلنمه گنیگه قرگنده، بوندن قریب تورت آی ایلگری یعنی جاری قویاش ییل نینگ بهار فصلیده سرپل ولایتی ده سوتاشقینی یوزبیریب مذکور ولایت شهری بیلن قوشیمچه بیر قنچه قشلاق لرینی ویران ایتدی. مینگ لب عایله اوی و جایی نی قولدن بیردی.

سرپل حاکمی عبدالجبار حقبین هم سرپل ولایتی حتی کی بیر تومن قیافه سیگه ایگه ایمس لیگی نی ایتیب، بو خصوصده سابق والی لرنی آزایشلش گه عیبله یدی.

"سرپل ولایتی نینگ قیته قوریلیشی کوپ مهم لیکن تأسف بیلن بوندن آلدین ایریم دلیل لر بیلن اونچه لیک قیته قوریش بولیمیده ایشلنمه گن. ایشله نگن نرسه لرنی هم سوو تاشقینی اورته دن ایلتگن. مین جمهور رییس و کابینه اعضالریدن بو خصوصده کوز قره تیش لری نی ایسته یمن. سرپلنی حاضر بیر اولوسوالیک چهره سی یوق، لیکن کیله جکده بیر شهرده و بیر ولایت ده اوزگرتیریشده امید بیلدیره من. سرپل ده مین پارک لر و قیر بولگن سرک لر کوریشینی ایسته یمن".

سرپل حاکمی گه کوره، افغانستانگه کیلیب صرفلنگن ملیارد لب دالر یاردم، اگر ده افغانستان قیته قوریشی اوچون صرفلنسه ایدی مملکت نینگ هر بیر ولایتی اینیقسه سرپل هم ترقیات گه ایریشریدی لیکن، دولتی نهاد لر آره سیده گی ناهماهنگلیک و مذکور ولایتده بیر قنچه کیلیب کیتگن والی لرنینگ کفایت سیزلیگی باعث مذکور ولایت قیته قوریشیده اونچه لیک بها بیریلمه گن.

حقبین جنابلری شونگه قوشیمچه قیلیب حاضر 8 کیلو متر سرک نینگ توزه تیش ایشی جریانی بار، اما کیله سی ییل اوچون ایریم تمل برنامه لرنینگ عملی بولیشی اوستیده ریجه لرچیزیلگن.

سرپل، شهری بیلن قوشیمچه، 7 اولوسوالیک دن عبارت بولیب، 700 یوز مینگ دن آرتیق نفوسی بار.

سرپل کینگ بیر ولایت لیکن افغانستان نینگ اوچینچی درجه سیده تورگن ولایتلردن حسابلنه دی.

مذکور ولایتده گی اهالی، کوپراق زراعت ایشلری بیلن مشغول اما بو ولایت ییرآستیده گی ملیون لب بشکه نفت مردم نینگ حیاتی یخشی تمانگه کیتیشی توغری سیده حاضر بیر امید توغدیریلگن.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.