BBC navigation

جمهور رئیس اوباما ایککینچی مدتدگه سیلندی

Сўнгги янгиланиш 7 ноябр 2012 - 11:38 GMT

جمهور رئیس باراک اوباما جمهوریتچی رقیبی "میت رامنی " نی مغلوب ایتیب ، ایککینچی مدتگه سیلنگن.
امریکا نینگ ایلک قاره تنلی جمهور رئیسی سیلاوچی لروکیللری نینگ پایگه ده غالب چیقیش اوچون ضرور بولگن 270 ته آوازنی یغیشگه موفق بولگن.
شیکاگو ده اوز طرفدار لری قرشی سیده غلبه نطقنی قیلگن جناب اوباما میت رامنی بیلن امریکا نی ینه ده رواج لنتیریش بویچه صحبت لشیشنی ایتدی. جناب اوباما خلق اره سیده گی اقتصادی احوالدن نارضیلیک، همده جناب رامنی نینگ جدی مخالفتیگه قره می غالب چیقدی.
دیموکراتلر 2007 ییلدن بیری سنا مجلسنی ایگللب کیله یاتگن اکثر اورینلرنی هم سقلب قالیشگن، جمهوریتچی لر ایسه وکیللر مجلس اوستیدن نظارت قیلشماقده.
بی بی سی نینگ شیکاگو ده گی مخبری مارک ماردلگه کوره، جمهور رئیس اوز رقیب لرینی بیرشگه ایشلشگه چقیرماقده. فلوریدا ده گی 29 سیلاو زون لری نینگ آواز لری حل هم حل قیلنمی قالر ایکن، جناب اوباما 303 ته سینی یوتگن، رامنی جناب لری ایسه -206 ته سینی.
پایگهنی حل قیلمسده ، رمزی و سیاسی جهتدن مهم دیب کوریلگن شخصی آوازلر بویچه ایککی نامزد دییرلی تینگ کیتماقده.
جناب اوباما بیرم کیفیتیده گی طرفدار لرینی تبریک له دی، همده جناب رامنی و جمهور ریس لیک معاونی نامزدی پاول راین نی آلیب بارگن کورشلر اوچون آلقیشله دی .
" بیز ینه قیته آیاققه توردیک، و چین یورگمیزدن بیله میزکی، امریکا قوشمه ایالاتینی هلی بوندن یارقین کونلر کوتماقده"، دیدی جناب اوباما.
جمهور ریئس آق اویگه ینه ده قتیقراق ایشلشگه بیل باغلب قیته یاتگنینی بیلدردی .او حکومت نینگ بودیچه کسرینی کمی تیریش، سالیقلربویچه قانونلرنی سازلش و مهاجرت تزمینی اصلاح قیلیش یولیده کانگرسده گی جمهوریت چی لر بیلن بیرگه ایشلشگه وعده بیردی.
"بیز همه میز بیر امریکا لیک عایله فرزندلری میز"،دیدی جناب اوباما.باستنده نطق سوزله گن جناب رامنی جمهور رئیسنی تبریک له دی و اوزی و جناب راین بوتون وجود بیلن کورشگنلرینی ایتدی.
او اقتصادی وضعیت حقیده گپیره توریب ، جناب رامنی حاضر" سیاسی تارتیشولر" وقتی ایمسلیگی همده جمهور ریتچی و دیموکراتلر " سیاستدن کوره خلقنی" کوپراق اویلش کیرک لیگنی ایتدی.
" قنی ایدی سیزلرنینگ امیدلرینگیزنی آقلب، بو مملکتگه رهبرلیک قیلسم، لیکن خلق میز باشقه رهبرنی تنله دی ، شوندی ایکن مین هم سیزلرگه قوشیلیب ، اونینگ اوچون و بو بویوک مللت اوچون دعا قیله من"، دیدی او.

امریکا اساسی قانونیگه بنان ، هر بیر ایالتگه اوز اهالی سانی اساسیده آواز بیریش حقوقی بیرله دی . 270 ته آوزنی یغه آلگن نامزد جمهور رئیس ایتیب سیلنه دی .
سه شنبه کونی ،جمهور رئیس تاریخ دن دیموکرات بولیب کیلگن ایالاتلرنی اوز تمانیدن سقلب قالدی، و کولارادو، ایوا، پنسلوانیا، میشیگن، مینیسوتا و ویسکانسان کبی قرار سیز ایالاتلرنی اوزیگه آغدیره آلدی. اوته مهم سنلگن اوهایو ایالتی ده گی غلبه سی باراک اوباما نینگ ایککینچی مدتدنی تامینلب بیردی .

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.