BBC navigation

امنیتی همکارلیک بیتمی نینگ امضالش اوچون مذاکره باشلنماقچی

Сўнгги янгиланиш 11 ноябр 2012 - 12:51 GMT

افغانستان وامریکا آره سیده، امنیتی همکارلیک بیتمی نینگ امضالش اوچون رسمی مذاکره جاری میلادی آیی نینگ اون بیشینچیسیده کابلده باشله نیشی کوتیله دی.

اوشبو قوشمه امنیتی کیلشوو بیتمی اساسیده 2014 میلادی ییلدن سونگ امریکا حربی لری نینگ حضوری انیق له نیشی ممکن.

افغانستان وامریکا آره سیده امضاله نیشی کوتیله یاتگن امنیتی همکارلیک بیتیمی خصوصیده بحث آلیب باریش اوچون قریب بیرآیی آلدین هرایککی دولت تمانیدن هیات تشکیل ایتیلگن ایدی. ایندیلیکده کیلشوو بیتم امضاله نیشی اوچون رسمی مذاکره لر باشله نیشی خبرقیلینماقده.

افغانستان تشقی ایشلر وزیرلیگی نینگ سوزچیسی جانان موسی زی بوکونگی اوتکزگن مطبوعات انجمنیده مذاکره نینگ اوچ کوند ن باشله نیشینی معلوم قیلدی.”امنیتی همکارلیک بیتمی خصوصیده رسمی مذاکره نوامبر آی نینگ اون بیشینچیسیده ایککی اولکه هیات اشتراکی بیلن کابلده باشله نیشی ممکن.افغانستان نینگ امریکاده گی ایلچیسی ایکلیل حکیمی باشچلیغیده گی هیات بو مذاکره ده اشتراک ایتیشی کوتیله دی، امریکا تمانیدن تعین ایتلگن هیات باشیده اشبو اولکه نینگ افغانستان وپاکستان بویچه مخصو وکیلی اورین باسری و امریکا نینگ بلغاریاده گی الدینکی سفری تعین لنگن."

اما افغانستان نینگ امریکا ده گی ایلچیسی حکیمی جنابلری نینگ افغانستان تمانیدن مذکره اوچون تشکیل ایتیلگن هیات باشیده بولیشی ایریم ملت وکیللری اینیقسه اولوسی جرگه رییسی نینگ جدی تنقید لری بیلن دوچ کیلدی. اوتگن کون اولوسی جرگه رییسی عبدالروف ابراهیمی ایش بیلرمان کیشلر اعضالیگده بولگن مخصوص کمیسیون ارقه لی امنیتی همکارلیک بیتمی بحث گه الینشی کیره ک لیگینی جمهورریس کرزی دن سوره گن ایدی.همده هیات باشیده هم ایترلیچه امنیتی تجربه گه ایگه بولگن بیر شخص تعین ایتلیشی اولوسی جرگه رییسی تمانید تکلیف الغه سوریلدی . او، ایسه بونگه اساسی دلیل هم افغانستان نینگ امریکا ده گی ایلچیسی یخشی تجربه گه ایگه بولمه گنی دیب فکر بیلدیردی

اما تشقی ایشلر وزیرلیگی نینگ سوزچیسی ایلچی حکیمی نینگ تجربه لی بیر دیپلمات اتب عینی حالده جمهوررییس ایشانه یاتگن و مذاکره اوچون مناسب بیر شخص بولگنینی اورغوله دی.

"هرکیم نینگ سوال و شکایت ، تنقید و تکلیفی بولسه، تشقی ایشلر وزیرلیگیگه مراجعه قیلسین لر.اولوسی جرگه دن ایستی میز که ناتوغری معلومات لر اساسیده، برجسته ورزیده بیر دیپلمات نینگ ابروسیگه فتور یتکزیشگه ایزین بیرمه سین."

هرچند حاضرگه قدرهم امنیتی همکارلیک بیتمی باره سیده ارتیقچه معلومات آچیقلنمه گن، چونکی بوخصوصده رسمی مذاکره لر هلی باشلنمه گن، اما افغانستان تشقی ایشلر وزیرلیگی، امریکا و افغانستان اره سیده اون ییللیک قوشمه همکارلیک و 2014 میلادی ییلدن سونگ امریکا حربی لرینی حضوری معلوم بولیشی ممکن لیگینی ایته دی. ایتیلیشچه امریکا نینگ دایمی حربی قرارگاه قوریش مسله سی همده تشقی ایشلر وزیرلیگی نینگ سوزچیسی امریکا لیک حربیلری نینگ قضای مصونیتی امنیتی همکارلیک بیتیمیده گی قیزیق بحث لرگه ایلنگن موضوع بولگنینی اورغوله دی.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.