BBC navigation

بیر دالر قریب 60 افغانی گه ییتیشگن، بونگه سبب نیمه؟

Сўнгги янгиланиш 13 ноябр 2012 - 12:19 GMT

اوتگن ایککی هفته جریانیده افغانی پول خارجی پوللر مقابلیده قریب 8 فایز که ییب کیتگن.

خود شو مسئله، بازارده آذوق آوقت و باشقه نرسه لر نرخی هم انچه آشیب کیتگنیگه سبب بولیب، خلق نینگ شکایتی گه باعث بولگن.

افغانستان مرکزی بانکی گه کوره، خارجی پوللر نرخی آشیشیگه اساسی سبب، مذکور پول لر نینگ بیر قسمی خارجی مملکت لرده قاچاق ایتیلگنی دیر.

عین زمانده افغان رسمیلری، افغانی پول نرخی نینگ کوتاریش اوچون، ذخیره بولگن ملیارد لب دالر پولنی یقین زمانده بازارگه ترقه تیشی نی معلوم قیلگن.

صراف لرگه کوره، دالر نرخی کوتاریلگنی دن بیری، دالر ساته یاتگن لر سانی هم آزه ییب کیتگن.

بوگون دوشنبه نوامبر آیی 13 نچی کونی نینگ توشدن کیینگه قدر بیر دالر قریب 57 افغانی بولگن ایدی.

دالر نرخی کوتاریلیشی بیلن بازارده آوذوق آوقت نرخ لری هم آشیب کیتگن.

دوکاندار لردن بیری بو توغریده بونده ی دیدی:

"بیز آذوق آوقت لرنی خارج دن کیلتیره میز، اوزیمیز گه یوق. بیز بو جنس لرنی پاکستان، ایران و قزاقستان دن اولکه گه کیلتیره میز. اوتگن بیر هفته ایلگری بیر دالر 52 افغانی ایدی اما ایندی قریب 60 افغانی گه کوتاریلگن. بیز هم خارج دن ماللرنی کیلتیرگنی میز اوچون نرخ لرنی کوتاریش گه مجبور میز."

افغانی پول مقابلیده دالر نرخی انچه یوقاری کیتگنی بیلن آذوق آوقت نرخ لری آشیشی دن اهالی هم انچه شکایت قیله دیلر.

بازاردن سودا ساتیغ اوچون کیلگن بیر عیالگه کوره، اولر آی لیک تاپه یاتگن پول بیلن کیره ک لی نرسه لری نی آله آلمه یدیلر.

"دالر نرخی کوتاریلگنی بیلن، قیمت لر هم انچه آشیب کیتگن، هر نرسه نینگ قیمتی گه اوزگریش کیلگن. مینی ایریم، 3600 افغانی آیلیک آله دی، خدا گه قسم کی، مین اوچ مینگی نی آلیب کیلدیم اوون آلیش اوچون تا مبادا فرزند لریم آچ قالمسه دیب، به دولت کیشی لرگه فرق ایتمه یدی لیکن

قیینچلیک لر انچه کوپه یگن. منه اون دن قالگنی مینگه 50 افغانی دیر مین شو پول بیلن اوییمگه قدر کیتیشیم کیره ک. مینی ایریم عادی بیر مأمور، ایندی مین 8 فرزندیم بیلن باشقه قیین چیلیک لریم نی قنده ی حل قیله ی؟"

شونده ی بیر حالده، افغانستان بانکی هم دالر نرخی بازارگه کوتاریلگنی دن اساسی سبب، دالرنینگ خارجی مملکت لرگه قاچاق ایتیلیشی و دنیا ده گی پول قیین چیلیگی دیب معلوم قیله دی.

افغانستان مرکزی بانکی نینگ رییسی نورالله دلاوری:

"بیزنینگ اقتصادی میز هم دنیا اقتصادی گه باغلیق. شو اوچون بیزگه هم تاثیر قالدیرماقده. عین زمانده بیزنینگ منطقه میزده گی مسئله ده یعنی همسایه میز گه بولگن تحریم لر، افغانستان دن بیر قنچه پوللر قاچاق بولیشیگه سبب بولگن."

دلاوری جنابلری، مذکور قیین چیلیک نی برطرف ایتیشی اوچون یقین زمانده ذخیره بولگن خارجی پوللرنی بازارگه ترقه تیشینی معلوم قیله دی.

مرکزی بانک گه کوره، حاضر 7 ملیارد دالر دن کوپراق ذخیره بولگن. و بو پول لرنینگ بازارگه ترقه تیش بیلن افغانی پول نرخی یوقاری کیتیشی ممکن بوله دی.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.