BBC navigation

افغانستان نینگ ناخالص محصولاتی 11 بولگنی ایتیلگن

Сўнгги янгиланиш 13 ноябр 2012 - 12:43 GMT

خلق ارا پول صندوقی یا ای ایم اف، بیر حسابات ترقه تیب افغانستان ناخالص محصولاتی جاری ییلده 11 فایز گه کوتاریلگنینی ایتگن.

بو حسابات، دهقانچیلیک محصولات لر اوتگن ییللرگه قره گنده کوپه یگنی باعث، ناخالص محصولات نینگ 11 فایز کوتاریلشینی معلوم قیلگن.

افغانستان حکومتی جاری ییل نینگ ناخالص محصولاتی توقیز اعشاریه توقیز فایز بولیشینی پیشبین لیک قیلگن ایدی. اما شوندی بولسه هم افغانستان مالیه وزیرلیگی بو حساباتدن خوشبین لیک بیلدیرگن.

شو حسابات اساسیده بوندن آلدین ایلگری سوریلگن تخمین لردن کوره کوپراق افغانستانده زراعتی محصولات کوزگه کورنرلی درجه ده کوپیگنی ایتیلگن. شونگه موافق اوشبو اداره افغانستان نینگ ناخالص ملی محصولاتی اون بیر فایزگه کوتاریلیشینی ایتگن.

خلق ارا پول صندوقی نینگ افغانستانده گی وکیلی خنجر وابل عبدالله ، زراعتی محصولات نینگ کوپیگینی گه عامل نیمه بولگنینی قوییده گی چه اچیق له دی.

"بیز افغانستان نینگ ناخالص تولیداتینی کم تخمین قیلگن ایدیک، اما بیزنینگ تخیمنلریمزگه قرشی ایچکی ناخالص تولیدات کوپه یگن،افغانستان اقتصادی اوچون زارعت اوته مهم، جاری ییل افغانستانده زراعتی محصولات کوپیگن، اوتگن ییل کوپ یاغینگرچیلیک لر ناخالص ملی تولیدات نینگ کوپیشگه سبب بولگن."

شونینگ دیک عبدالله جنابلری افغانستان نینگ دولتی درامدینی آلدین دن ایلگری سوریلگن تخمین لرگه قره گنده کم بولگنینی اورغولب بیراق زراعتی محصولات بو کمچیلیکنی بیراز برطرف ایتیشگه ایجابی توشگنینی ایتدی.

عینی حالده خلق اراپول صندوقی اوز حساباتیده، بانکی خذمتلرنی هم ایجابی تمان باره یاتگنیدن خوشبین لیک بیلدیرگن لیکن، کابل بانک معماسینی حلی اوچون حکومت نینگ جدی سعی قیلیشی ضرور لیگینی اورغوله گن.

افغانستان مرکزی بانک رییسی نورالله دلاوری، اوشبو اداره تکلیف نینگ بجا بیلیب کابل بانک معماسینی حلی اوچون ایجابی حرکت لر بوله یاتگنینی تاکیدله گن.

"کابینه قراری اساسیده کابل بانک معماسینی حل اوچون ایشلر جدی لشگن کابل بانک نینگ دوبیده گی جایدادلرینی ساتیش اوچون هیات یوباریلگن یقینده ساتیله دی. بانک نینگ ایچکریده گی جایدادلرینی هم ساتیش اوچون حرکت لر دوام ایتماقده."

افغانستان حکومتی، بوندن الدین جاری ییل ناخالص محصولاتی نینگ توقیز اعشاریه توقیز فایز گه کوتاریلییشی ممکن لیگی باره سیده حسابات چیقرگن ایدی. بو ایککی حسابات اره سیده قریب بیرفایز فرق موجود. افغانستان مالیه وزیرلیگی نینگ مصلحت چیسی نجیب منلی، بوحقده شوندی فکربیلدیردی.

" کورنیشچه ای ایم اف تیکشروو بیزنینگ تیکشرومیزگه کوره خوشبین لیک لر بیلن بیرگه، بیز ناخالص محصولات نینگ توقیز . توقیز فایزپیش بین لیک قیلگن میز، بو ایشانچلی بیر پیشبین لیک اما ای ایم ایف اون بیرفایز بولیشینی پشین لیک قیلگن بو سطح یتیش اوچون جدی کوره شه میز فکریمچه بو مقصد گه ایریشه اله میز ".

خلق ارا پول صندوقی، اوتگن میلادی ییل نینگ نومبر آییده افغانستان اقتصادینی تیکشیریش اوچون اوچ ییل یللیک بیر پروگرامنی ایشلب چیقاردی. شو اساسده هرییلی ایککی مرته افغانستان اقتصادی ترقیاتی اوشبو اداره تمانیدن تیکشریله دی.

بو اداره مسووللری اوتگن ییلگه قره گنده افغانستان اقتصادی اونچه لیک اونیب اوسمه گنینی اورغولب لیکن زراعتی محصولات نینگ کوپه یشی باشقه ساحه لرده هم ایجابی اوزگریش لر کیلیشی گه امیدوارلیک بیلدیرگن.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.