BBC navigation

پاکستان طالب محبوس لریدن بیر نیچه نفرنی آزاد ایتیشگه راضی بولدی

Сўнгги янгиланиш 14 ноябр 2012 - 12:41 GMT

افغانستان تینچلیک کینگاشی اعضالری پاکستان بیلن مذاکره قیلیش اوچون بوندن ایککی کون مقدم پاکستان گه سفر قیلگن.

پاکستان قماقده بولگن بیر نیچه نفر افغانستان لیک طالبانی آزاد ایتیشگه راضی بولگن .
بو حقده پاکستان رسمی لری اسلام آبادده افغان تینچ لیک مذاکره چی لری بیلن اوچره شو چاغیده معلوم قیلگنلر.افغان منبع لری نینگ بی بی سی گه معلوم قیلیشلریچه،آزاد ایتیلهجک طالبلر آره سیده سابق طالبان حکومتی نینگ عدلیه وزیری ملا ترابی و ینه ایککی نفر استخبارات ملازمی بار.
افغانستان هیت وکیللریدن بیری پاکستان نینگ اوشبو عملنی "تینچلیک سری تشلنگن ایجابی قدم." دییه بهاله گن .پاکستان نینگ ایتیشیچه ، او افغانستان نینگ تینچلیک سری انتیلیشلرینی قوللب قووتلیدی و محبوس لرنی آزاد ایتیشی بونینگ یقال اثباتیدیر.اسلام آباد ده گی بی بی سی مخبری اورلا گریننینگ ایتیشیچه، آزاد ایتلهجک محبوس لر اچیده طالبان حرکتیده گی ایککینچی شخص ملا غنی برادر یوققه اوخشیدی. تحلیلچی لرگه کوره، شوندی ایسه-ده بو پاکستان تمانیدن تشلنگن مهم بیر قدم دیر.طالبان رسمی لر وتنگه قیتگچ باشقه لرنی هم مذاکره لرده اشتراک ایتیشگه اونده شی ممکن دیگن امیدلربار.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.