BBC navigation

طالبان بیلن علاقه قوریش خواطری باعث شاه یوللرده گی عسکرلر اوزگرتیریلماقده

Сўнгги янгиланиш 18 ноябр 2012 - 12:42 GMT

افغانستان مدافعه وزیرلیگی شاه یوللرده گی امنیتی پوسته لرده وظیفه آلیب باره یاتگن عسکرلر نینگ هربیر اوچ ایده اوزگرتیله یاتگنیدن خبربیرگن.بوریجه افغان عسکرلری نینگ عصیانچیلر بیلن علاقه قورمسلیگی اوچون قول اوستیگه آلینگن.

باشقه تماندن افغانستان ایچکی ایشلر وزیرلیگی شاه یوللر خوف سیزلیگینی تامین لش اوچون پولیس و ملی اردوکوچلری اشتراکی بیلن بیر سروی ایشلب چیقاریلیشیگه جدی نیاز بارلیگینی اورغوله گن.امنیتی مقاملر بو سوزلرنی اولوسی جرگه نینگ مواصلات ومخابرات کمیسیونیده اظهارایتدی.

افغانستانده گی شاه یوللری سونگی پیتلرده ناتینچلیک لرگه ایلنگنی افغان امنیتی مقاملرنینگ اولوسی جرگه وکیللری حضوریده جواب بیریشگه مجبورلنتیردی. بوگون اولوسی جرگه نینگ مواصلات ومخابرات کمیسیونیده ایریم امنیتی مقاملر جواب بیریشگه چقیریلگندی. افغانستان مدافعه وزیرلیگی اورین باسری عنایت الله نظری، خوف سیزلیکنی یخشی لشتریش اوچون مخصوص ریجه ایشگه توشریلگنینی ایتدی:"هماهنگلیک مرکزی هرساحده موجود،بوکبی هماهنگلیک مرکز اوزمنطقه لرینی نظارت قیلیش گه مجبور، اما بوامنیتی پوسته لر، پوسته ده گی امنیتی کوچلرنینگ هیچ قندی خطا، وجرم گه قول اورمیدی دیب ایته آلمیمیز،بیز شوندی قینچلیک لرنی حلی اوچون پوسته لرده گی عسکرلرنینگ هر بیر اوچ آیده اوزگرتیریب کیلماقده میز تاکی اولر اوز موقف لریدن سوی استعمال قیلیب یاده عصیانچیلر بیلن علاقه قورمه سین لر."

بیراق افغانستان ایچکی ایشلر وزیرلیگی نینگ اورین باسری میرزا محمد یارمند اولوسی جرگه نینگ مواصلات ومخابرات کمیسیونده ایراد ایتگن سوزلریده ،. شاه یوللر خوف سیزلیگینی تامین لش اوچون مخصوص بیر سروی یولگه قوییلیشی کیره ک لیگینی تاکیدلب بوحقده شوندی دیدی:"امیت نینگ تامین لش اوچون اوچ ریجه نی عملی قیلشی میز کیره ک، امنیتی بیر سروی نی یولگه قویش، یوللرده گی امنیتی کوچلرنینگ جهازلنتریش،همده تجارلر گه متاع کیلتیره دیگن قطار لر واردو قطار لرین خوف سیزلیگنی تامین لش اوچون جدی اعتبار قره تیلسن."

اوتمیشلرده افغانستان جنوبی بولگه لریده جایلشگن شاه یوللرده طالبان عصیانچیلری فعال بولگنی ایتیلیب شوباعث هم تنیقلی کیشلر کوپراق اوچاقلر ارقه لی اوشبو ولایت لرده سفر قیلرایدی.

ایندی لیکده بو معما شمالی ولایت لرده هم پیدا بولگن. فاریاب لیک صفی الله اینانچ یوللرده سفر قیلیش اوته خطرلی بولگنینی اورغوله دی.

کابل قندهار شاه یولیی نینگ غزنی منطقه لریده عصیانچیلر انچه فعال بولگن. نیچه مراتبه بیرقنچه کیشلر اوشله نیب حتی که ایریم لراولدیریلگنی خبرقیلیندی.

افغانستان شمالی ولایتلرینی کابل بیلن باغلوچی مزار کابل و کابل قندوز شاه یوللریده هم اوتمیشلرده عصیانچیلر انچه فعال بولگنی ایتبلیب نهایتده افغانستان حکومتی یوللرده امنیتی پوسته لرنی جایلشتیردی.

کورنیشچه بو ریجه هم اونچه لیک ایش بیرمه گن. چونکی کابل قندوز شاه یولیده هلی مردم کیچه تماندن قنته آلمیدیلر.شونینگ دیک کندوز کونده هم عصیانچیلر یوللرده چیقیب ایریم حالت لرده ناتو کوچلریگه باغلیق تانکرلرگه هجوم اویشتیره دیلر.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.