BBC navigation

اسرائیل غزه ده عملیاتنی"ینه ده کوچیتیریش" بیلن تهدید قیلماقده

Сўнгги янгиланиш 18 ноябр 2012 - 12:17 GMT

اسرائیل بیش کوندن بویان غزه نی بمبله ماقده

اسرائیل غزه بولگه سینی بیش کوندن بویان هوا و دینگیزدن بمبلشده دوام ایتماقده.
بولگه ده گی ایککی مطبوعات بنا،جمله دن حماس تلویزیوننی همده بریتانیا نینگ "اسکای" و "آی تی ان" تلویزیونلری اداره لری هدفگه آلینگن.
بیرنیچه فلسطین لیک ژورنالیست یره لنگن.
اسرائیل اوردو سی نینگ ایتیشیچه ، یریم توندن بویان غزه دن سکیزته راکت آتیلگن، اولردن اوچ ته سی اسرائیل حدودیگه توشگن.
اسرائیل غزه ده اوز عملیاتنی "ینه ده کینگیتیریش" گه تیار، دیب ایتگن اسرائیل باش وزیری بنیامین نیتان یاهو.
"عسکرلر،روی بیرشی ممکن بولگن هر قندی عملیاتگه تیار،" دیب ایتگن جناب نیتان یاهو اسرائیل حکومتی نینگ یکشنبه کونگی یغیلیشیده .
اسرائیل کوچلری نینگ تویتر آرقه لی ترقتگن خبرده ایتلیشیچه، اوتگن تونده نشانگه آلینگن بنالر"بیر نیجه آی دوامیده آلینگن انیق استخبارات معلوماتیگه اساسن"انیقلنگن.
فلسطین رسمیلریگه کوره، بیر هوا هجومیده بیر عایله دن ایککی باله هلاک ایتلگن.
اسرائیل کوچلری مطبوعات بنالری نینگ حماسگه تیگشلی انتن لرینی هدفگه آلگنینی ایتگن.
یکشنبه کونی اسرائیل نینگ تجاری مرکزی تل اویویوده "خطر" زنگلری چهلینگن.پلیس نینگ ایتیشیچه، راکتلردن حمایه قیلیش تزیمی غزه دن آتیلگن ایککی راکتنی هوا ده ضرر لنتیرگن.
بیراق، غزه دن آتیلگن بیر راکت بولگه دن 16 کیلومتر شمالده جایلشگن اشکیلان شهریده بیر بنا گه باریب توشگن .
بنا شکست ایتگن و بیر نیچه کیشی یره لنگن .
غزه ده گی بی بی سی مخبری لری نینگ ایتیشلریچه ، اسرائیل یکشنبه تونگیده هم هوا هجوملرینی دوام ایتتیرگن.غزه ده گی شفاکارلرنینگ معلوم قیلیشلریچه، چهارشنبه کونی باشله تیلگن اسرائیل هوا عملیاتلریده 11 باله داخل کمیده 52 فلسطین هلاک ایتلگن .پنچشنبه کونی اوچ اسرائیللیک هلاک بوگن .یکشنبه گه اوتر کیچه سی اسرائیل حربی کیمه لری دینگیزدن توریب غزه بولگه سینی بمبلی باشله گن .غزه بولگه سیده گی بی بی سی مخبری جان دانیسان ایرته لب ساعت ایککی دن بویان دینگیزدن اوندن زیاد راکت آتیلگنینی ایتگن.جهان ساغلیق تشکیلاتی نینگ معلوم قیلیشیجه، یره دارلرگه تولیب کیتگن غزه بولگه سیده گی شفاخانه لرده دارو درمانلر ایتمیدی.
اسرائیل بولگه اطرافیگه ذخیرده گی 75 مینگ عسکرنی جایلشتیرگن.اسرائیل حکومتیده گی بیر وزیرگه اقتباسن خبر قیلنیشیچه، اگر حماس اسرائیل حدودیگه راکت آتیشنی توختتمه سی، اسرائیل کوچلری یکشنبه کونی باستریب کیریشی ممکن.

مصرجمهور رئیسی محمد مرسی اسرائیلنی غزه گه قوروقلیکدن هجوم قیلشدن تیهنلیشگه چقیرگن."اگر قوروقلیکدن باستیریب کیرسه لر... عاقبتلری یمان بوله دی.بونی نه بیز و نه خلق آرا جماعتچی لیک قبول ایتدی، "دیب ایتگن مصر جمهور رئیسی .
قاهره فوق العاده یقین اوتکزه یاتگن عرب لیگی کیلگو سی کون ایچیده غزه بولگه سیگه اوز هیتنی یوللشنی اعلان قیلگن .شنبه کونی اسرائیل باش وزیری بنیامین نیتن یاهوآلمان چانسلری آنگلا میرکل بیلن صحبتلشگن .
آلمان دولت رهبری اسرائیل اوزینی حمایه قیلیشگه حقلی ایکننی ایتگن.
اسرائیل کوچلری نینگ ایتیشیچه ، عملیاتلر باشله تیلگنیدن بویان 900 دن زیاد بنا نشانگه آلینگن، غزه دن آتیلگن 500 گه یقین راکت اسرائیلگه باریب توشگن .

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.