BBC navigation

امریکا افغانستانده ١٠ مینگ حربیلرینی قالدیرماقچی

Сўнгги янгиланиш 26 ноябр 2012 - 14:45 GMT

حاضرده ٧٠٠٠٠ مینگ امریکالیک عسکر افغانستان ده موجود

٢٠١٤ ییلده افغانستان ده گی جنگی وار حرکتلرنینگ رسمن توگهتیلیب، خلق آرا کوچ لرنینگ مملکتدن آلیب چیقیب کیتیلیشی کوتیلر ایکن، امریکا و ناتو نینگ قنچه حربی لر افغانستانده قالیشی باره سیده حلی بیر توختمگه کیلنگنی یوق.
بیراق ١٠ مینگ اطرافیده امریکالیک و بیر نیچه مینگ ناتو کوچلرینی قالدیریش یوللریی کوریب چیقلماقده.
٢٠١٤ ییلدن سونگی ماموریتنی ریجه لشتیریش یقینده قیته جمهور رئیس ایتیب سیلنگن باراک اوباما اوچون هم سیناو بولیب ، مسئولیتنی افغان کوچلریگه بیریش استراتیژی سیگه آیدینلیک کیریتیشنی طلب قیله دی .
آلدین راق، آق اوی و پنتاگون ٢٠١٤ ییلدن سونگ افغانستانده کم سانلی حربی لرنی سقلب قالیش ریجه لری حقیده گپریشگن، شونده هم قاله دیگن حربی لرنینگ انیق سانینی آشکار قیلیشمهگن ایدی. عینی پیتده افغانستانده ٧٠ مینگه یقین امریکا لیک حربی لر موجود.
افغانستانده گی خلق آرا کوچلر قوماندانی جنرال جان آلین امریکا نینگ ٦٦٠٠٠ عسکرینی قندی قیلیب قیسقه مدتده آلیب چیقیب کیتیش باره سیده رسمی تکلیف بیریشی کوتیلماقده.پنتاگو وکیلی جورج لیتل حکومت نینگ بو باره ده گی سیاستنی تنقید قیلیب، "آق اوی حاضرگچه جنرال آلن نینگ فکرلرینی سوره مه دی ، بیز هله قچان ٢٠١٣ و ٢٠١٤ ییلریده انیق قنچه قوشون آلیب چیقیلیشی حقیده مصلحتلرنی کوریب چیقیشیمیزلازم ایدی"،دیب تاکیدله گن .
جنرال جان آلن ٢٠١٤ ییلدن سونگ آلتی مینگدن اون بیش مینگهچه امریکا حربی خذمتچی لری افغانستان ده فعالیتنی دوام ایتتیریش ممکن لیگنی ایتدی.جناب آلنگه کوره ، اولر افغان اوردو عسکرلریگه اوقو مشقلری اوتیش بیلن بیرگه، تروریزمگه قرشی عملیاتلرده هم قتنشیشی کوزده توتیلگن. بو موضوع سیاسی بحث لرگه هم سبب بولماقده.بیرقنچه ایتکچی دیموکراتلر کیلگوسی ییلدن قوشون لرنینگ انیق قنچه سانی کمیتیرلیشنی بیلیشنی استشسه، جمهوریتچی لرق وشون لرنینگ تیزکارلیکده چقیرلیشنی ایرشلگن یوتوقلرنی خوف آستیگه قویشی ممکن، دیگن فکرده لر .
اساسی معما شونده کی ، ٢٠١٤ ییلدن افغانستانده تیزکار حربی-هوا کوچلری بولمیدی.هوا کوچلری فقط فوق العاده ده گی وضعیت لر و مصلحت لر بیریش بویچه مقصدلرده فایده له نیشی ایتیله دی . امریکا شونینگ دیک، افغان اوردو اوچاقلر بیلن کینگ تامین لب، اوچوچیلرینی تونگی پروازلرگه اورگه تیشنی کوریب چیقماقده.
می آیی نینگ باشیده امریکا و افغانستان جمهور رئیس لری باراک اوباما و حامد کرزی ایککی ممکلت اورته سیده اوزاققه مولجلنگن استراتیژیک همکارلیک باره سیده کیلشوگه امضا چیکیشگن.اوچره شوده شونینگده، ینه بیر مساله ده – دیپلماتیک دایره لرده" قوشونلر باره سیده گی پروتوکول" صفتده مشهور خوف سیزلیک حقیده گی حجت امضالنگنی ایتیله دی.عینن شو کیلشوگه بینا ٢٠١٤ ییلدن کیین امریکا نینگ افغانستان ده گی حربی اره لهشوی باشقهریله دی.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.