BBC navigation

کابلده خلق ارا ساغلیک کنفرانسی یولگه قوییلدی

Сўнгги янгиланиш 1 декабр 2012 - 12:54 GMT

اوچ یوزدن آرتیق افغان وخارجی متخصص و شفاکار، باله لراولیمی نینگ کمیتریش و ایریم کسللیک لر خصوصیده مباحثه ایتیش اوچون پایتخت کابلده یغیلگنلر.

یولگه قوییلگن ایککی کونلیک کنفرانسده ، فرانسه، المان، اسپانیا ، پاکستان و افغان شفاکارلری اشتراک ایتگن.

شفاکارلر ، یورک کسللیگی، اورتوپیدی، پلاستیکی جراحلیک، وباله لر اولیمیگه سبب بوله یاتگن تورلی خیل کسللیک لر باره سیده اوز ارا بحث قیله دیلر.

افغانستان عامه ساغلیک وزیری باله لر اولیم نینگ کمیتریش اوچون الیب باریله یاتگن برنامه لرنی موفقیتلی اته دی. همده خانم دلیل حاضرگه قره گنده هر یوز مینگ باله دن 97 ته سی بیش یاشیده یتمی ایریم کسلیکلر باعث وفات یاتگنیدن خبربیردی. اونگه کوره اوتگن ییللرگه هریوز مینگ باله دن 250 ته سی هلاک بولرایکن. اماعامه ساغلیق وزیری ایچ کیتمه سینه بغل کسللیک لری هم باله لراوچون اولیملی بیر کسللیک بولگنیدن خواطر بیلدیردی.

شونینگ دیک عامه ساغلیک وزیری، سینه بغل واکسینی نینگ باشقه واکسن لرقطاریده کیرتیلیشینی خبربیردی.

اما بوکونگی کنفرانسده اشتراک ایتگن ایریم شخصلر، باله لر اولیمی نینگ کمیتریش وبوخصوصده حکومت تمانیدن بیریله یاتگن معلوماتلرنی قانیقرلی ایمسلیگینی اورغوله دیلر.

شونگه علاوه کنفرانس اشتراک چیلری کوپینچه ساغیلیق مرکزلری اینقسه اوزاق منطقه لرده متخصص شفاکارلر همده کفیت لی دارو لر بولمه گنینی ایتدی.

باشقه تماندن حاضرگه قدرهم ایریم عایله لر واکسنلر منفعتی خصوصیده یخشی اگاه لنتیریلمه گنی باعث اوز باله لرینی واکسن قیلیشمیدی.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.