BBC navigation

ایچکی ایشلر وزیری: افغانستان پولیسی ملی ایمس

Сўнгги янгиланиш 4 декабр 2012 - 12:25 GMT

افغانستان ایچکی ایشلر وزیرلیگی، مملکت پولیسی هنوز هم سیاسی و تنظیمی ایکنینی ایتگن.

مذکور وزیرلیکگه کوره، خود شو مسئله مملکتده خوف سیزلیک لر یمان تمانگه کیتییشگه سبب بولگن.

سنا مجلسی اعضالری، افغانستان ایچکی ایشلر وزیری مجتبی پتنگ نینگ پولیس اداره لریگه فساد موجود لیگی و خوف سیزلیک وضعیتی باره سیده نیمه جوابلری بارلیگی مقصدیده مذکور مجلسده چقیرگن ایدی. اما ایچکی ایشلر وزیری مجتبی پتنگ مملکت ده خوف سیزلیک وضعیتی خواطرلی ایکنینی تایید قیلدی.

همده پتنگ جنابلری مذکور وزیرلیک اداره لری مابینیده فساد موجود لیگینی تن آلیب، مملکت خوف سیزلیک وضعیتی یخشی تمانگه کیتمس لیگیگه پولیس ایچیده اداری فساد موجود لیگی هم اساسی سبب لردن بیری دیر دیب ایتدی.

" شونچه وقت دن بیری بیزنینگ پولیسی میز، سیاسی و تنظیمی پولیس بولگن. حاضرگه چه بیزنینگ پولیسی میز ملی بولمه گن. هر بیر ولایتده اوشه منطقه نینگ پولیسی مسوولیتی بولسه، قیین چیلیک توغدیریله دی. اگر بیر ولایت ده جرم بولسه و پولیس هم اوشه ولایت دن مسوول بولسه، خواه نخواه پولیس نینگ قولی بار اونگه. مجرم او نینگ یا عمه کی سی دیر، یا اوزی دیر باشقه بیران قرینداشی دیر".

پتنگ جنابلری بو قیین چیلیک نینگ برطرف ایتیش اوچون ینگی چاره تدبیر کوره یاتگنینی معلوم قیلیب، هر ولایتده اوشه ولایت یشاوچیسی نینگ پولیس مسوولی صفتیده وظیفه لنتیرمس لیگینی بیلدیردی.

عین زمانده او، پولیس اداره لریدن فساد نی کمه یتیریشی و پولیس نینگ مسلکی توزه تیشی توغری سیده ایشلری دوام تارته یاتگنینی معلوم قیلدی. اما بو مسئله اوچون انچه وقت کیره ک لیگینی هم تیلگه آلدی.

افغانستان پولیسی چوکاتیده کینگ کولمده فساد موجود لیگی خلق ارا هم جمعیت مملکت لر اینیقسه افغانستان اهالی سی نینگ جدی شکایت لری بیلن یوزمه یوز بولگن.

هرچند افغان رسمیلری بو توغری جدی شکلده ایشلر دوامی بار دیب سوزیوریته دیلر لیکن شونده ی بولسه هم، هر کون اوتیشی بیلن فساد گه قرشی خلق شکایتی کوپه ییب بارماقده.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.