BBC navigation

مقاملر: کاپیساده بیر طلبه اولدیریلگنی اوچون تیکشیریش ایشلر باشلنگن

Сўнгги янгиланиш 5 декабр 2012 - 13:15 GMT

افغانستان معارف وزیرلیگی، کاپیسا ولایتیده گی قیز طلبه همده پولیو ایملش ایشلاوچیسی نینگ هلاک ایتیلگنی نی تایید قیلیب، لیکن بو قیز کیم تمانیدن اولدیریلگنی بیللی ایمس لیگینی ایتگن.

افغان عیاللر شبکه سی آتی بیلن فعالیت قیله یاتگن تشکیلات هم بو حادثه یوزه سیدن حکومت نی تنقید آستیده آلگن.

مذکور شبکه باشلیغ لریدن ویدا لطیف، قیز اوقه توتیلگنی دن کیین، انچه قان ضایع قیلگنینی معلوم قیلیب، لیکن کسل خانه ده گی مسووللرینی بو قیز نینگ ساغلیگی اوچون یخشی کوز قره تمه گنلیکگه عیب له ماقده.

" ولو کی بو قیز شخصی یا مخالف گروه لر تمانیدن اولدیریلگن بولسه، اما بیر طلبه ایدی، جامعه نینگ بیر کیشی سی ایدی، ساغلیک ساحه سیده خذمت کورسه تووچی بیر شخص ایدی. هر بیر ارگان نینگ سیس چیقاریش اوچون مسوولیتی بار. بو حادثه عاملی اوشله ب آلینیشی کیره ک."

شو نده ی بیر حالده، کاپیسا ولایتی نینگ محلی مقام لری، بو قیز تینچ بیر منطقه ده اوققه توتیلیب اولدیریلگنینی معلوم قیله دی.

کاپیسا والی سی نینگ اورین باسری عزیز الرحمن تواب گه کوره، کاپیسا ده قیز طلبه لر هیچ قنده ی تهدید آستیده ایمس لر. و بو قیز طلبه هلاک ایتیلگنی توغری سیده هم طالبان نینگ قولی یوق.

شونده ی بیر حالده، افغانستان معارف وزیرلیگی بیر لشگن ملت لر تشکیلاتی افغان قیزلری دن حمایت ایتیش اوچون خلق ارا بیر کمپاین یولگه قویییشی نی ایسته ماقده.

باشقه تماندن کاپیسا ولایتی ده اولدیریلگن بو قیز طلبه باشقه صحی بولیمیده خذمت کورسه ته یاتگن عیاللرنی خواطرلنتیرگن.

افغانستان عامه ساغلیک وزیرلیگی نینگ مینگلب رضا کار ایشلاوچی سی بار، مذکور ایشلاوچیلر، منطقه لریده گی موجود تینچ سیزلیک لر نینگ اساسی قیین چلیک لریدن دیب معلوم قیله دیلر.

باشقه تماندن، عیال لر قرشی سیده گی تورلی خیل زوراوانلیک لر، عیاللر حق و حقوقی دن حمایت ایتووچی تشکیلات لرنینگ اولدن کوره هم خواطرلنتیرگنی کوزگه کورینه دی.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.