BBC navigation

کرزی: ملی امنیت رییسی گه قرشی اویشتریلگن سوی قصد پاکستانده ریجه لنتیریلگن

Сўнгги янгиланиш 8 декабр 2012 - 08:58 GMT

افغانستان جمهوررییسی حامدکرزی ملی امنیت اداره سی باشلیغی اسدالله خالد گه قرشی اویشتیریلگن سوی قصد پاکستانده ریجه لنتریلگنینی اورغوله دی.همده پاکستان حکومتی نینگ بوخصوصده معلومات بیریشینی طلب قیلدی.

عینی حالده کرزی جنابلری، حادثه گه عامل بولگن شخص پارتلاوچی ماده نی اوزبدنیگه اوته مهارت بیلن جایلشتیرگنینی تاکیدلب اوشبو حادثه طالبلر ایشی بولمه گنینی ایتدی، اونگه کوره بو هجوم آرقه سیده کوچلی ومهارت لی قوللر موجود بولگن.بیراق کرزی جنابلری بوخصوصده ارتیقچه معلومات بیرمه دی.

شونگه قوشیمچه جمهوررییس اوشبوهجوم باره سیده پاکستان نینگ تولیق معلومات بیریشینی طلب قیلیب بوحقده شوندی دیدی :" بیر تماندن پاکستان دوستلیک قولینی اوزه ته دی باشقه تماندن مذکور مملکت دن افغان مقاملری گه قرشی سوی قصد عمللری ریجه لنتریله دی. صلح کینگاشی نینگ الدینکی رییسی برهان الدین ربانی جانیگه اویشتریلگن هجوم هم پاکستان دن ریجه لنتریلگن ایدی."

شونینگ دیک کرزی جنابلری صلح اوچون چاره تدبیر کوچیتریلگن بیرپیتده بوکبی ترور ریجه سی عملگه اشریلیشینی تیلگه آلدی. اونگه کوره، ایناغه سی احمد ولی کرزی هم صلح اوچون جدی سعی قیلگن پیت، سوی قصد عملی بیلن دوچ کیلگن. همده او، عالی تینچلیک قوریلتای سابق رهبری هم صلح پروسه سی جدی لشگن بیرپیت ترور بولگنینی اورغوله دی.

افغانستان ملی امنیت رییسی اسدالله خالد، ایککی کون الدین مذکور اداره مهمان خانه لریده بیریده اوزینی صلح پیامینی کیلتیرگن شخص دیب تانشتیرگن کیشی تمانیدن هجوم گه توتیلیب یره لندی.

افغانستان جمهورریسی حامدکرزی بوکونکی اوتکزگن مطبوعات انجمنیده اونینگ ساغلیق وضعیتی یخشی ایکن لیگینی تیلگه آلدی.

عینی حالده، سوی قصد عملینی اورگه نیش اوچون تشکیل ایتیلگن کمیسیون دن بوحقده جدی تیکشروو آلیب باریشینی سوره دی.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.