BBC navigation

کابلده گی گوجوملیکگه سبب نیمه؟

Сўнгги янгиланиш 9 декабр 2012 - 12:13 GMT

پایتخت کابل سرک لریده موترلر قطار بولیب گوجوم لیک توغدیریشی، بو شهر اهالی سی نینگ انچه شکایت لریگه سبب بولگن.

کابللیک لر، دولت نینگ بو گوجوم لیک نی حلی اوچون هیچ قنده ی اعتبار قرتمه گن لیکگه عیب له یدیلر.

اهالی گه کوره، سرک لر اینسیزلیگی، همده موتر لر سانی کوپه یگنی، شونینگ دیک، ترافیک مسئله لریگه کوز قره تمسلیک لر بو گوجوم لیک نینگ اساسی سبب لریدن حسابلنه دی.

باشقه تماندن، ترافیک رسمیلری هم بو توغریده ینگی یول یوروق لرنی یولگه قوییشدن سوز یوریته دی.

کابل نینگ هر بیر سرکیده موتر لر، کیتمه کیت، توخته ب، حتی بیر ساعت ایچیده هم بعضن سرک دن چیقیش ممکن بولمه یدی.

کابل لیک لر نینگ اکثریتی، بو گوجوم لیک نینگ اساسی سبب لردن بیری، یوقاری مرتبه لی خادم لر سرک لردن اوتیب قه تیش لریده خلق یوزیگه یول لرنی یاپیب قوییش لرینی معلوم قیله دیلر.

عین زمانده موتر هیداوچی لری ترافیک قانونی نینگ مراعات قیلمس لیک لری هم بو قیین چیلیک نینگ آرتیشیگه سبب بولگنلیگی تیلگه آلینه دی.

عصمت ناملی کابللیک گه کوره، او تیناون آقشام آنه سی کسل بولگنی اوچون، کسل خانه گه جونه گن لیک ایککی ساعت نی بیر کیلو متر لیک بیر سرکگه اوتکزیب نهایت ده کسل خانه گه ییتیب بارگن.

کابل ترافیک پولیسی هم بو قیین چیلیک لر موجود لیگی نی تن آلیب، شهر ایچیده گی یول لر آزلیگی همده هیداوچی لر قانون نی نظرده توتمس لیک لری، سرک لرنینگ حد دن آشه گوجوم بولیشیگه باعث بولیشی نی معلوم قیله دی.

کابل ترافیک پولیسی باشلیغی جنرال اسدالله:

" اکثر یوللر توزه لیشیده بیز جریانده ایمس میز. بو یوللرده پاکینگ دیگن بیر نرسه سی اصلن یوق. اگر مینگه تیگیشلی بیر گپ بولسه ایدی مین بو توزه ته یاتگن کیشی نی پارکینگ توزه تیش گه مجبورلنتیرریدیم. اگر بو ایش نی قیلمسه ایدی، ایشنی باشلنیشیگه قطعن رخصت بیرمس ایدیم".

افغان رسمیلری نینگ ایتیشیچه، کابل شهری، 70 مینگ موتر یوریشی اوچون توغری کیله دی. لیکن بو شهر ده 600 یوز مینگ موتر دن کوپراق اوتیب قیته دی.

اوتگن اون ییل جریانیده کوپ گینه یوللر و سرک لر کابلده توزه لیب کیلگن. عین زمانده بیر قنچه کیچیک سرک لر هم کابل بلدیه سی تمانیدن کینگه یتیریلیب توزه تیلگن. بیراق، خود شو تمل پروژه لر عملی بولیشی گه قره مسدن، کابلده گی گوجوم لیک هر کون اوتیشی بیلن کوپه ییب بارماقده.

شو نینگ دیک، کابل پایتخت ده، اهالی کون سایین کوپه یشی گه قرگنده، مذکور شهر نینگ ترافیک وضعیتی یخشی تمانگه کیتیشی اوچون هم امیدوارلیک کمه ییب کیتگن.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.