BBC navigation

اوتیش عدالت گروهی: اوتیش عدالت لایحه سی عملی بولسین

Сўнгги янгиланиш 9 декабр 2012 - 11:02 GMT

انسان حقلرینی حمایت ایتوچی اونلب تشکیلاتلر افغانستان حکومتیدن، مملکتده تینچ لیک تامین ایتیلیشی همده اوروشگه پایان بیریش مقصدیده انتقالی عدالت لایحه سینی عملی ایتیشینی سوره گنلر.

انتقالی عدالت گروهیگه کوره، انسان حقلرینی ایاق استی ایتگن کیشی لر جزالنمه گن تقدیرده، مملکتده دایمی تینچ لیک تامین ایتیلیشی ممکن ایمس.

عین حالده، افغانستان انسان حقلری بوییچه فعالیت آلیب باروچی تشکیلات مسووللریگه کوره، مذکور اداره تمانیدن اوتکزیلگن ینگی فکر اورگه نیش نتیجه سیده مملکت بویلب اورشدن ضرر کورگنلرنینگ97% مملکت ده گی انسان حقلرینی آیاق آستی ایتگن شخصلر محاکمه ایتیلیشی نی طلب لر قیلگنلر.

انسان حقلری ساحه سیده فعالیت ایته دیگن اداره لر، اونلب مرته بوندی ایریک ییغین لرنی یولگه قویب، انسان حقلری برابریده بولگن معمالری برطرف ایتیلیشی نی اورغولیدیلر.

انسان حقلری بوییچه فعالیت آلیب باره دیگن ییگرمه دن آرتیق اداره دن تشکیل تاپگن انتقالی عدالت هماهنگ گروهی بیر سیسده افغانستان حکومتیدن عفو قانونینی ایشدن بوشه تیب، انتقالی عدالت لایحه سی عملی ایتیلیشی نی سوره دیلر.

انتقالی عدالت گروه نینگ اعضالریگه کوره، تینچ لیک لایحه سی عدالت تامین لنمسلیگی سیز همده مجرملر جزالنمسدن موفقیتگه ایریشمی بلکه وضعیتی بوندن هم کوره یمانراق بولیشی ممکن.

عین حالده، افغانستان انسان حقلری مساله سی بوییچه تشکیلات تمانیدن نشر ایتیلگن اعلامیه ده، افغانستانده اوروشدن زیان کورگن لرنینگ 97% انسان حقلرینی آیاق استی ایتگنلر محاکمه بولیشی طلب قیلینگنی قید ایتیلگن. مذکور تشکیلات نینگ معاونی نعمت الله ابراهیمی، اوشبو حسابات افغانستان نینگ اوچ ولایتیده اورگه نیلگن فکر اساسیده تیارلنگنینی معلوم قیلگن.

انتقالی عدالت مساله سی همده جنگ مجرملرینینگ جزالنمس لیگی یلغوز افغانستانده گی انسان حقلری فعاللری نینگ تشویشی بولمه گن لیگی ایتیله دی. خلق ارا انسان حقلری مساله لری بوییچه مسوولی بی بی سی بیلگن اوتکزگن صحبتیده، 2014- ییلدن کیین انتقالی عدالت نینگ افغانستانده عملی ایتیلمسلیگی باره سیده جدی تشویش بیلدیرگن.

افغانستانده دوام تارتگن اوچ دهه اوروش مملکت نینگ ایریم ولایت لریده مینگلب انسان نینگ قربان بولیشیگه سبب بولدی. مذکور اوروش لردن اوچ دهه اوتیشیگه قره می، هلی هم جنگ جبر دیده لری هر کون دادخواهلیک سیسی نی چیقاریب اعتراض بیلدیرماقده لر.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.