BBC navigation

پاریسده یولگه قوییله دیگن یغین ده طالبان اشتراک ایتیشینی تصدیقله گن

Сўнгги янгиланиш 11 декабр 2012 - 07:42 GMT

طالبان عصیانچیلری نیچه کوندن سونگ پاریس ده یولگه قوییله دیگن اولتیریشده اشتراک ایتیشلری ممکن لیگینی تصدیق له گن.

اوزینی طالبان سوزچیسی دیب تانشتیرگن ذبیح الله مجاهد بیر خبرنامه ترقه تیب پاریس ده یولگه قوییلیشی کوتیله یاتگن اولتیریشده اوشبو گروه وکیللری هم دعوت بولگنینی معلوم قیلگن.

مذکور اولتیریش فرانسه لیک تحقیقاتی بیرمرکز تمانیدن ریجه لنتیریلگن.

وال ستریت ژورنال کونده لیگیگه ترقه تیلگن گزارش گه کوره، طالبان نماینده لری و شمال ائتلافی نینگ رهبر لری پاریس اولتیریشیده، افغانستان نینگ 2014 نچی میلادی ییلده گی وضعیتی باره سیده بحث قیلیش لری کوتیله دی.

مذکور گزارش گه یازیلیشیچه، اوشبو یغین، دسامبر آیی نینگ سونگی ده یولگه قوییلیب، همده طالبان و شمال نماینده لری قتنه شیش لری یانیده، افغانستان دولتی و گلبدین حکمتیار باشچیلیغیده گی نماینده لر هم اشتراک ایته دیلر.

طالبان سوزچی سی، مذکور گروه نینگ قطر اولکه سیده گی سیاسی دفتریدن ایککی نماینده پاریس اولتیریشیده اشتراک قیلیب، اسلامی امارت مناسبتی نی افغانستان وضعیتی توغری سیده آچیقله یشی نی معلوم قیلگن.

بو اولتیریش تحقیقی بیر یغین دیب ایتیلگن و هیچ قنده ی سیاسی کیلیشیش هم طرف لر تمانیدن امضالنمه یدی.

سونگی پیت لرده شمال ائتلافی رهبرلری و طالبان آره سیده واسطه چیلیک قیله یاتگن سیاسی تحلیل چی وحید مژده هم، پاریس اولتیریشی دن اساسی مقصد افغانستان نینگ همه سیاسی طرف لری مذکور مملکت کیله جگی اوچون اوز فکر و ملاحظه سی نینگ اعلام ایتیشی دیر دیب معلوم قیلدی.

مژده جنابلری گه کوره، سیاسی تشکیلات لرنینگ پاریس ده گی اولتیریشده بیر قنچه قوشمه نظر لری بولیشی هم ممکن. خود شو مسئله، صلح اوچون کیله جکده یولگه قوییله یاتگن مذاکره لرده ایجابی تاثیر قوییشی ممکن.

مژده جنابلری، طالبان تمانیدن، شهاب الدین دلاور و محمد نعیم وردک و اسلامی حزب تمانیدن غیرت بهیر شرکت قیلیش لری ممکن لیگینی ایتگن.

او نینگ معلوم قیلیشیچه، محمد یونس قانونی و احمد ضیا مسعود و ینه بیر قنچه دولت نینگ سیاسی اپوزیسیون اعضا لری همده جمهور رییس کرزی مصلحت چیلریدن حاجی دین محمد و محمد معصوم استانکزی هم پاریسده گی اولتیریشده اشتراک ایتیش لری ایتیله دی.

شهاب الدین دلاور اوتمیش لرده طالبان حاکمیتی نینگ باش محکمه اورین باسری، عربستان و پاکستان ایلچی سی بولیب، همده بیرلشگن ملت لر تشکیلاتی امنیت کینگاشی نینگ قاره روی خطیده هم اسمی درج ایتیلگن.

مژده جنابلری، امنیت کینگاشی استثنایی شکلده شهاب الدین دلاور گه فرانسه سفری اوچون رخصت بیریشی کوتیله دی دیب ایتدی.

ملی جبهه رهبری احمد ضیا مسعود هم بو اولتیریش ده قتنه شیشی نی تایید قیلگن.

عین زمانده کرزی سوزچی سی ایمل فیضی هم وال ستریت ژورنال کونده لیگی بیلن بولگن صحبتیده، پاریس ده گی اولتیریش دن آرقه داش لیک بیلدیرگن.

جاری ییل جون آیی ده هم جاپان اولکه سی نینگ دوشیشا ناملی بیر عالی اوقو یورتی تمانیدن شو کبی بیر یغین یولگه قوییلیب، بیرینچی مرته طالبان گروهی نماینده سی اونگه اشتراک ایتگن ایدی.

طالبان بیلن مذاکره و مصالحه قیلیش بحثی 2012 نچی ییلی نینگ بیرینچی لریده قیزیق بولیب، طالبان هم امریکا لیک لر بیلن مذاکره قیلیشی نی تایید ایتدی. اوشه زمان مذکور گروه، قطر ده سیاسی دفتر آچیلیشیگه موافقت بیلدیرگن ایدی.

طالبان و امریکا آره سیده جاری ییل جون آییده بولیب اوتگن بیرینچی اولتیریش ده محبوس لرنینگ المشتریش مسئله سی محاکمه ایتیلگن.

طالب لر بیر بیانات ترقه تیب، قطرده بیر سیاسی دفتر آچیلیشی، امریکا لیک لر تمانیدن طالبان صلح گه انیق بیر آدرسی یوق دیگن تبلیغ لرینی بر طرف قیلیش مقصدی بیلن قبول قیلگن لیک لرینی بیان ایتگن ایدی.

اما مذکورگروه، جاری ییل مارچ آییده امریکا لیک لر بیلن مذاکره لرینی بیکار ایتیگنینی اعلام قیلدی. بو گروه، امریکا نینگ طالبان بیلن انیق مناسبتی بولمه گنی اوچون، مذاکره لرنی بیکار ایتگن میز دیب ایتدی.

اما امریکالیک لر، طالبان، افغانستان دولتی نینگ مذاکره لرگه اورینی کوپه یشی اوچون قرشی لیک کورسه تیب، نهایتده اوزینی آرقه گه تارتگنینی معلوم قیلدیلر.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.