BBC navigation

اوزبیک تیلیده چاپ ایتیلگن درسلیک کتابلر ییترلی بولمه گنلیگی ایتیله دی

Сўнгги янгиланиш 12 декабр 2012 - 06:49 GMT

افغانستان معارف وزیرلیگی تمانیدن اوزبیک تیلده چاپ ایتلگن درسلیک کتابلر خصوصیده یولگه قوییلگن آلتی کون لیک سینمارده کتابلرده گی موجود کمچلیک لر تنقید آستیگه آلیندی.

شونینگ دیک سمینار اشترکچیلری اوزبیک اوقوچیلرسانیگه قره گنده ترقه تیلگن کتابلر آز بولگن لیگی هم تیلگه آلیندی.

شونگه قوشیمچه، سینمارده قتنشگنلر اوزبیک تیلیده چاپ ایتلگن درسلیک کتابلر، اوزبیک لر استقامت قیله دیگن شمالی ولایت لرگه ییتکزیب بیلریلمه گنلیگی باره سیده علحیده تاکیدله گنلر.

سمینارده افغانستان شمالی ولایتلری نینگ معارف اداره سی مسووللری، همده بیرقطار اوقیتوچیلر اشتراک ایتگن ایدیلر. بیر آلتی کون دوام تارتگن مذکور سینمارده ینگیدن چاپ ایتیلگن کتابلر ده گی موجود خطا وکمچلیک لر سمینار قنه شووچیلری تمانیدن بحث آستیگه آلیندی. اما، اوتگن نیچه ییل جریانیده اوزبیک تیلده چاپ ایتیلگن کتابلر سانی آز بولیب، همده شمالی ولایتلرگه ییتکیزیب بیریلمه گن لیگی سمینار اشتراکچی لری تمانیدن تیلگه آلینگن اساسی موضوعلردن بیری ایدی. سمینار اشتراکچیلریدن بولگن فاریابلیک اوقیتوچی ملاحت علمی ولایت نینگ اوزاق منطقه لریده جایلشگن ولسوالیک لریدن تشقری هلیگچه هم فاریاب مرکزی میمنه شهری نینگ مکتبلریگه اوزبیک تیلیده چاپ ایتیلگن کتابلر معارف وزیرلیگی تمانیدن ییتکزیب بیریلمه گنلیگی نی جدی تنقید ایتدی.

مذکور سمینار اشتراک چیلری بوییرده بحث بولگن موضوع لردن بیر خلاصه چیقاریب اوز ولایت لرگه باریب باشقه اوقوچیلر بیلن بوکبی موضوع لرنی بحث گه اله دی. ایتیلیشیچه، سمیناردن اساسی نیت هم اوزبیک تیلده چاپ ایتیلگن درسلیک کتابلرنی اساسی شکلده اوقوچیلرگه درس بیریش بولگن.

هرچند اوزبیک تیلده چاپ ایتیلگن کتابلرنی اوزبیکلر زیچ یشیدیگن ولایت لرگه نیچه ییلدن بیری ترقه تیلیب کیلینه یاتگنی ایتیله دیو. بیراق سینمارده حصصه قوشگن اوقیتوچیلردن ایریملری اوزبیکلر استقامت قیله دیگن بدخشان ولایتی کبی اوزاق حدود ده جایلشگن ولایتلرگه هلی هم اوزبیک تیلیده بیر جلد هم کتاب ییتکیزیب بیریلمه گنلیگنی معلوم قیلگنلر.

کورنیشچه اوزبیک تیلده چاپ بولگن کتابلرسان آز بولگنی همده ایریم ولایت لرگه ترقه تیلمه گنی اساسی معمالردن بیری بولگن لیگی تاکیدلنه دی، خوب بونگه اساسی عامل نیمه بولگن لیگینی افغانستان معارف وزیرلیگی نینگ نشرات بوییچه مسوولی کبیر حقمل شوندی دیدی.

«بیز چاپ ایته دیگن کتابلر بیرینچی تیل ایکینچی تیل همده اوچینچی تیل بولگن لیگیدن قطع نظر بیر حسابات اساسیده چاپ ایته میز. بیز قولمیزده بوگن حسابات اساسده اوچنچی تیللرده تورت لک کتاب چاپ ایتگن میز، بعضی بیر تخنیکی مشکللر سبب مذکور کتابلرنی همه سینی ولایت لرگه یتکیزیلیب بیره آلمه گن میز. ینگی ییلده اوشبو کتاب لرنی ترته تیش اوچون اساسی چاره لر کوریلگن دیدی معارف وزیرلیگی نینگ نشرات بولیمی»

بوندن اون ییل آلدین افغانستان اساسی قانونیده اوچینچی تیل صفتیده رسمی قید ایتلگن اوزبیک تیلی، مملکت ده گی باشقه تیللر قطاری افغانستان دولتی تمانیدن رواجلنتیریش اوچون جدی ایش آلیب باریشی کوتیلردی اما، اوتگن نیچه ییل جریانیده اوزبیک تیلی درسلیک لری چاپ ایتیلیب ییترلی درجه ده اوزبیک لر یشیدیگن ولایتلرگه ییتکزیب بیریلمه گن

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.