BBC navigation

افغانستان تشقی سیاستینی انیقلتریش لایحه سی ایشلب چیقاریلماقده

Сўнгги янгиланиш 15 декабр 2012 - 12:23 GMT

افغانستان دولتی دنیا مملکتلری بیلن دیپلماتیک علاقه لرینی کینگه یتیریش اوچون، اوشبو مملکت نینگ تشقی سیاستی نی انیقلنتیرووچی بیر لایحه اوستیده ایش آلیب بارماقده.

افغانستان تشقی ایشلر وزیرلیگی خارج ده گی برچه سیاسی ایلچیلر و نماینده لرنی اوشبو لایحه حقیده مصلحت بیریش اوچون کابلگه چیقیرگن.

بوندن اساسی مقصد هم اولرنینگ تشقی سیاست لایحه سی بار ه سیده فکر وملاحظه لرینی اورگه نیشدن عبارت بولیب یغین بیش کونگه قدر دوام ایته دی.

افغانستان تشقی ایشلر وزیری زلمی رسول افغانستان نی دنیا مملکت لری بیلن بولگن علاقه لرینی کوچیتریش اوچون اوشبو لایحه اساسی یول یوروق بولیشی ممکن لیگینی تیلگه آلدی.

" بیش کونگه قدر دوام ایته دیگن اوشبو کنفرانسده، باشقه موضوعلر دن تشقری، افغانستان تشقی سیاستی نینگ اساسی لایحه سی هم سیزلرگه تقدیم ایتیله دی حجت وته مهم روشلر واصوللر همده مملکت تاریخی تجربه لری و ملی منفعتلر، برچه عنعنوی عرف و عادت لردن فایده لنیب، اساسی قانون نینگ اصوللری گه ، تینگ تیارلنگن. بو مملکت نینگ تشقی سیاستی نی بیلگیلاووچی واسطه صفتیده خذمت قیله دی."

شونینگ دیک رسول جنابلری مذکور مسوده اوشبو مملکت نینگ تشقی سیاستی نی باشقه مملکتلربیلن استوار سقلشگه قادربولگنینی ایتدی.

عینی مناسبتده چیقیش قیلگن جمهورریسی کرزی 2014 ییلدن سونگ، افغانستان نینگ غرب مملکت لری بیلن بولگن استراتیژیسیگه اساسی اوزگریش کیلشینی اورغولب بوحقده شوندی دیدی:2014" ییلدن سونگ بیز نینگ دنیا بیلن علاقه لریمیز ده اوزگریش کیریتیله دی. اوزگریش، 2014 ییلدن سونگ خارجی کوچلر نی افغانستان نی ترک ایتیشی دن عبارت. 2014 ییلدن کیین دینا همجمعیتی بیلن اوشبو کوچلر نینگ افغانستانده گی حضوری قنده ی لیگی ودنیا بیلن علاقه لری میز باره سیده گپلشیمیز کیره ک. بیز دنیا همجمیعیتی دن 2014دیللدن سونگ افغانستانده اوروش ایمس بلکه اوزاق مدتلی اساسی استراتژیک بیلن قالیشی نی سوره ی میز."

افغانستان حکومتی گه کوره، اوتگن 11 ییل ایچیده اوشبو مملکت منطقه و دنیا بیرقطار مملکتلری بیلن دیپلماتیک علاقه لر اورنتگن. افغان رسمیلری نینگ تاکیدلشیچه، اوشبو مناسبتلر ملی منفعت گه استوار بولیب، ایچکی جنجل وتوقنه شوو لر بیلن بند بولگن مملکتلر آرا علاقه لرنی مستحکمشگه سعی وحرکت آلیب باره دی.

افغانستان تشقی ایشلروزیرلیگی گه کوره، اوتگن بیر دهه ایچیده اوشبو مملکت نینگ تشقی سیاستی، کوپراق اساسی قانون گه مطابق، ملی رواجلنتیرش استراتیژیک فرمانلر، جمهور رییس نینگ دستوری اساسیده تعینلنردی.

ایتیلیشیچه، افغانستان تشقی سیاستی نینگ مسوده سی باره سیده دیپلمات لرنینگ فکرو ملاحظه لری اورگه نیلگنیدن سونگ، وزیرلر کینگشی گه تاپشیریله دی و اوندن کیین اولوسی جرگه گه یوباریلیشی ممکن.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.