BBC navigation

ميمنه ليك رحمتلي شاعره كبرا كيوان دن ايسلندي

Сўнгги янгиланиш 15 декабр 2012 - 10:20 GMT

ميمنه شهري نينگ شهردارليك هوتليده رحمتلي كبرا كيوان حياتيدن 17اوتگن ليگيدن ناشنله نيلدي.

اوشبواحتفال ايسه، اونلب كيشي اشتراكي بيلن اوتكزيليب بونگه بيرقطار دولت رسمي لري مدني جماعه اعضالري، واونلب خاتين- قيزلراشتراك ايتگن ايديلر.

بواحتفالده بيرقنچه كيشي لرسوزگه چيقيب رحمتلي كبرا كيوان نينگ قيلگن ايش وفعاليت لري باره سيده توخته ليب اينيقسه ادبي ساحه ده اوزيدن قالديرگن ايشلريني نهايت ارزشلي ديب بهاله ديلر.

رحمتلي كبرا كيوان نه فقط ايكي تيلده يعني اوزبيك ودري تيل لريده شاعربوليب قالگن، بلكه اوشه دورده فعال كوره شچن سياستچي وفارياب ولايتيده عيال قتلميدن ايلك ژورناليست بوليب خذمت قيلگن ليگي هم تيل گه آليندي.

عين حالده بيرقطارقيزلرتمانيدن عالمدن اوتگن كيوان نينگ ايجادايتگن شعرنمونه لريدن واوزلري ايجاد ايتگن شعرلريدن بيرنيچه پارچه احتفال جريانيده ديكلمه ايتيلدي.

شونينگ ديك اويورت فرزند لريگه هم كوپگينه ييللراوقيتووچي بوليب خذمت قيلگن

اونينگ آلتين تاج ناملي شعري توپلمي بوندن بيرنيچه ييل آلدين عايله اعضالري تمانيدن چاپ ايتيليب شعريت ساحه سيده اشتياقمند كيشي لراختياريگه قوييلگن ايدي.

گوهرشاد بيگيم مدنيت اويي مسووللري آلدينگي چاپ ايتيلگن رحمتلي نينگ توپلميدن قالگن شعرلري ني هم يقين كيله جكده شعري توپلم قيليب چاپ ايتيليشيدن بشارت بيرديلر.

بوندن بير ييل مقدم عياللرتكيلفي بيلن ميمنه شهريده جايلشگن تاتارخانه قيزلر مكتبي اونينگ ناميگه قوييليشي اوشبوولايت معارف رسمي لريدن طلب قيلينگن ايدي.

كييينچه ليك معارف وزيرليگي تمانيدن بوتكليف تصديق له نيب مرحومه شاعره آتي گه قوييليشي اوچون فارياب معارف رياستي گه مكتوب جونه تيلگن،اما تاتارخانه ده يشب كيله ياتگن ايريم لرنينگ قرشي ليگي سبب بومساله سي عملگه آشمي قالگن بوايسه يولگه قوييلگن احتفالده سوزگه چيققن بيرقطارلرني تنقيدلري بيلن بيرگه بولدي.

رحمتلي كبرا كيوان ني ايسلش اوچون يولگه قوييلگن بواحتفال ايسه فارياب ولايتي ده عياللر اوچون مخصوص فعاليت قيليب كيله ياتگن گوهر شاد بيگيم مدنيت اويي وفارياب ولايتي عياللرجنبشي نينگ كينگاشي تشبثي بيلن عملگه آشيريلگن.

بوليب اوتگن ييغين اخيريده اشتراكچي لرتمانيدن تيزليكده حكومت اعتباري بيلن اونينگ آتيگه تكليف قيلينگن مذكورمكتب قوييليب لوحه سي قوريليشي گه بغيشلنگن قطعنامه هم اوقيليب بوبيلن احتفال هم اوز يكونيگه ييتدي.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.