BBC navigation

مینگلب اوزبیک کابلگه ایش قیدیریب کیلگن

Сўнгги янгиланиш 16 декабр 2012 - 10:58 GMT

اوتگن 11 ییل دوامیده، افغانستان اهالی سی نینگ اقتصادی رواجلنیب باره یاتگنی گه قره مه ی، مملکتده ایش سیزلیک میزانی کوندن کونگه آشیب بارماقده.

افغانستان اجتماعی ایشلر وزیرلیگی مملکتده اوچ ملیون گه یقین ایش سیز آدم موجود لیگیدن سوز یوریتگن.

اهالی نینگ ایش بیلن تامینلنمه گن لیگی، مملکت ده ییریک معما حسابلنه دی.

کابل نینگ هر بیر چهار راهه سی، باشقه ولایت لردن ایش قیدیریب کیلگن یوزلب مردکار لردن توله دی.

کابل شهری نینگ کوته ی سنگی منطقه سی، ایش سیز انسان لرنینگ اینگ گوجوم محلیگه ایلنگن. بو منطقه نینگ چهار راهه سیده یوزلب ایش سیز انسان ساعت لر ایش کوتیب تورگنی برچه گه آشکار.

بومنطقه ده بیرقطار ینگی بنالر قوریلماقده. بنالردن بیریده سمنگان ولایتیدن کیلگن بیرقطار اوزبیک مردکارلر ایشله ماقده لر.

اوزینی خوشوقت دیب تنیشتیرگن اوشبو اوزبیک، عایله سی اون نفر نان خور دن عبارت ایکنینی ایتیب، آته صفتیده اولر نینگ احتیاجلرینی برطرف ایتیش اوچون شونده آغیر ایشلرگه تن بیریشیمیز کیره ک دییدی.

او نینگ ایتشیچه، او هفته ده اوچ یا تورت کون ایش تاپیش گه قادر بولسه، باشقه کونلرنی ایش سیزلیک بیلن اوتکزه دی.

او ایشیدن کونیگه 7 دالر گه تینگ فقطگینه 350 افغانی قولگه کیریته دی و خلاص.

اما پایتخت کابلده اوزبیک مرد کار لری نینگ سانی کون سیین آشیب باره یاتگنی گه قره مه ی، شهرنینگ باشقه ساحه لریده بیرقطار اوزبیکلر آزگینه سرمایه بیلن اوزلری اوچون ایش جایلری مهیا قیلگنلر.

اوشبو اوزبیک لر کوپراق، آدملر یاقتیره دیگن اوزبیکی قابلی پیشیریش اوچون رستوانتلر ایجاد ایتیب، بو طریقدن بیرطرفدن اوز حیاتلرینی رواجلنتیرگن، باشقه تماندن ایسه ایش سیزبیرقطار اوزبیکلرگه هم ایش زمینه سینی مهیا قیلگنلر.

کابل نینگ کارته ی چهار منطقه سیده قندوزلیک صاحب نظر بیر گینه کیچیک هوتل آچیب، اوزبیکی قابلی سینی یاقتیره دیگن لراوچون هر خیل اوزبیکانه آوقت تیارله ماقده.

او نینگ معلوم قیلیشیچه، کابل شهری اهالیسی کنجد یاغی ده پیشیریلگن قابلی نی جوده هم یاقتیره دیلر.

صاحب نظرگه کوره، او هر آییده 15 مینگ دن 25 مینگ افغانی فایده قولگه کیریتیب، ایشی دن انچه راضی ایکنی نی بیلدیره دی.

اوزبیکلر کابلده فقطگینه رستورانت ایجاد ایتیش و مردکارلیک ایشلری بیلن بند بولمه گن، بلکه بونینگ یانیده نانوالیک ایشلری هم تخمینآ انه شولر تمانیدن یولگه قوییلماقده. اوزبیک نانی، همه گه پسند. بو نان بولگنده، باشقه نانلر گه مشتری آز. کابل نینگ هر بیر محله سیده اوزبیک نانوالیگی موجود.

جوزجان ولایتیدن نانوالیک دوکانی نی ایجاد ایتیش امیدیده کابلگه کیلگن حاجی شاه نظر، هنوزگچه کِسبی نی یولگه قوییشگه امکان تاپه آلمه گنلیگی نی ایته دی.

حاجی شاه نظر 30 ییل دن بیری نانوایچیلیک بیلن مشغول ایکنی نی ایتیب، اما سونگی پیت لرده جوزجان ولایتی مرکزی شبرغان شهریده، نانوایلیک ایشلری یخشی یوریمه گنی اوچون حاضر کابلگه ایش قیدیریب کیلگنی نی معلوم قیله دی.

باشقه ولایت لرگه قره گنده، پایتخت کابلده عملگه آشیریله یاتگن قوریلیش لایحه لری کوپلیگی، ولایتلرده گی ایش سیزلرنی اوزیگه جلب ایتگن. اما، همه ایش بیلن تامینلنمه یدی.

دولت رسمیلری هر داییم قطار لایحه لرنی یولگه تشلب بیرقطار آدملر اوچون ایش زمینه سی مهیا ایتیلگنی حقیده گپیرماقده لر. لیکن کورینیشیچه، سواد سیز انسان لر گه ایش زمینه سی قوله ی یره تیلمه یدی. عین حالده، افغانستان اهالیسی نینگ 60 فایز دن کوپراغی 30 ییل دوام ایتگن اوریش نتیجه سیده سواد سیز قالگن.

شونده ی بیر حالده، 2014 نچی ییل دن کیین خارجی لر افغانستان نی ترک ایته یاتگنی، اهالی نینگ تشویشیگه سبب بولگن.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.