BBC navigation

افغانستان الکترونیک تذکره لرکورینیشیدن اوزبیک لرنینگ شکایتی بار

Сўнгги янгиланиш 17 декабр 2012 - 12:46 GMT

الکترونیک تذکره لر ترقه تیش اوچون ایشچیلر جذب ایتیشی نینگ بیرینچی سیناوی اوز نهایه سیگه ییتگن.

افغان رسمیلریگه کوره، تذکره ترقه تیش اوچون افغان فقراسی نینگ اسم لرنی روی خطگه اوتکزیلیشی، جاری قویاش ییلی نینگ دلو آییده باشلنه دی.

اما حاضر گه چه مذکور تذکره لرنینگ چاپ ایته یاتگن اسباب اُسکونه لری کابلگه ییتیب کیلمه گن.

الکترونیک تذکره لرنینگ ترقه تیش ایشی عملگه آشیریلیشی افغانستان دولتی نینگ اینگ بویوک پروژه لریدن حسابلنه نیب، 220 میلیون دالر دن کوپراق هزینه کوتاریشی ایتیله دی.

حاضر، نفوس نینگ روی خط دن اوتکزیش اداره سی، مملکت ایچکی ایشلر وزیرلیگی دایره سیده، تذکره ترقه تیش مسوولیتیگه ایگه. مذکور اداره ایچیده کیریش بیلن یوزلب افغان فقرا سی حاضرگی کونده گی تذکره لرنی قولگه کیلتیریش اوچون قطار بولیب توخته گن لر. بو تذکره، بیر ورق دن عبارت.

الکترونیک تذکره لر بوندن ایککی آی ایلگری یعنی جاری ییل میزان آییده ترقه تیش ایشی باشله نیشی بیلگی لنگن ایدی. اما تخنیکی بیر قنچه قیین چیلیک لر باعث، بو جریان جاری ییل نینگ دلو آییده آرقه گه تشله ندی.

افغانستان مخابرات وزیرلیگی نینگ اورین باسری بریالی حسام بو توغری ده شونده ی آچیقله یدی:

"الکترونیک تذکره نی ترقه تیش جریانی دلو آییده باشلنه دی. الکترونیکی تذکره وقولیمیزده گی تذکره نینگ فرقی شونده که، ایسکی تذکره قاغذ دن تیارلنگن، کوپ معلوماتلرنی اوز ایچیگه آلالمه ی دی و شونینگ دیک سیرلی ایمس. اما الکتیرونیکی تذکره سیرلی، برچه خصوصیتلر اونگه جایلشتیریلگن و مسوول کیشی لردن تشقری هیچ کیم بیله آلمه یدی."

باشقه تماندن اوشبو لایحه نینگ عملگه آشیریلیشی اوچون یوزلب خادم گه احتیاج سیزیله دی.

ایچکی ایشلروزیرلیگیده سیناو دن اوتکزیلگن خادملرگه وظیفه بیریله دی.

حسام جنابلری گه کوره، تذکره ترقه تیش لایحه سی باشلنمسدن آلدین، وظیفه دار ایتیلگن خادملر بیر دوره تیارگرلیک نی اوتکزیشی کیره ک.

الکترونیکی تذکره ترقه تووچی اداره رسمیلری نینگ اتیتیشیچه، اولر خادملر نی جذب ایتیش جریانیده کته معمالرگه رو په ره بولگنلر. شو جمله دن کتته تاثیر گه ایگه بولگن شخصلر اوز کیشی لرینی اوشبو لوازم گه وظیفه دار ایتیلیشی اوچون باسیم اوتکزگنلر.

الکترونیک تذکره ترقه تیش اداره سی رییسی انجنیر معصوم فرهاد، باسیملر میزانی حد دن زیاد بولگنی باعث، ایریم پیتلرده تهدیدلرگه رو په ره بولگنی نی هم تیلگه آلگن.

باشقه تماندن مملکت پارلمانده گی اوزبیک و تورکمن ملت وکیل لری، ینگی تذکره لر گه باشقه قوم لر نشانه لری دن کیریتیلگنلیگی نی بیلدیریب لیکن افغانستان تورکی خلق لری نینگ تاریخی آبده لریدن آلینمه گنلیگی نی بیلدیرگن لر.

فاریاب ملت وکیلی بشیر احمد ته ینچ بی بی سی بیلن بولگن صحبتیده، تذکره ترقه تیش اوچون آلینه یاتگن ایشچی لر هر ولایت نینگ اوزی دن بولیشی نی مخابرات وزیرلیگی دن ایسته گن میز دیب معلوم قیله دی لیکن مذکور وزیرلیک حاضر گه قدر بو توغریده قنده ی عمل قیلگنی بیللی بولمه گن دیب آچیق له یدی.

ته ینچ جنابلری، بو توغری ده گی یولگه قوییلگن ایسته ک لرینینگ عملگه آشیریش اوچون، باشقه ملت وکیل لر بیلن جدی شکلده سعی و حرکت لری جریانی بارلیگیدن هم سوز یوریتدی.

ایریم خبرلرگه کوره، سونگی پیت لرده بعضی بیر قوشنی مملکتلرنینگ استخبارات تشکیلاتلری، افغانستانده اوز ماموریتلری نی آلغه سوریش مقصدیده، افغانستان تذکره سینی قولگه کیریتیش گه سعی و حرکت آلیب باره گنلر. افغانستان اهالی سیدن بیرقطاری الکترونیک تذکره لر نی ترقه تیش جریانی ییللر آلدین یولگه قوییلیشی نی ایتماقده لر.

افغانستان ایچکی ایشلروزیرلیگی نینگ معاونی مرزا محمد یارمند ، ینگی تذکره لر نی ترقه تیش جریانی باشلنگن حالده، بیگانه خلقلر، اوشبو تذکره نی قولگه کیریته آلمسلیگی ممکنلیگی حقیده تاکیدله ماقده.

"بو لایحه ده 401 سیار تیم سفر بر قیلینه دی. هر بیر تیم 120 نفر دن عبارت بولیب، بیر کون نینگ اوزیده 48 مینگ کارت 8 ماشین آرقه لی ایشلب چیقه ریله دی. تذکره عایله وی شکلده ترقه تیله دی. بو روش ده هیچ بیگانه کیشی تذکره آلیش گه موفق بوله آلمه یدی."

ایتیلیشیچه، اوشبو تذکره خلق ارا معیارلریگه تینگ قیلینیب، هنوزگچه منطقه مملکتلریده مثلی کورینمه گن شکده ایشلب چیقه ریله دی.

معلوماتی تکنالوژی ایش بیلرمان لری، الکترونیکی تذکره لر افغانستان ده ترقه تیلیشی بیلن، مملکت نفوسی بیللی بولیب، هم الکترونیک حکومتدارچیلیگی توغری سیده مثلی کورینمه گن تدبیر لردن حسابلنیشی ممکن لیگی حقیده تاکید لماقده لر.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.