BBC navigation

پایتخت کابل نینگ هر بیر منطقه سیده مخدره ماده لریگه معتاد بولگن یاش ییگیت لر کوزگه کورینه دی

Сўнгги янгиланиш 18 декабр 2012 - 07:08 GMT

سونگی پیتلرده افغانستانده اینیقسه پایتخت کابلده معتادلر سانی آشیب باره یاتگنی، اهالی تشویشی نینگ کوپه یتیرماقده.

تریاک، چرس وباشقه ماده لردن فایده لنه یاتگن معتادلرنی، کابل شهری نینگ هر بیر منطقه سیده اوچره تیش ممکن. اما بو معتاد لرنینگ کابلده گی اساسی مرکز لریدن بیری هم اوشبو شهر غربیده جایلشگن پل سوخته کوپریگی و بو منطقه نینگ تورت تمانی دیر.

بو معتاد لرنینگ اکثریتینی، ایران ویا پاکستاندن کیلگن یاش مهاجرلری تشکیل بیرگن.

معتاد لرنینگ بیری حسین، حکومت اولر اوچون هیچ قنده ی کوز قره تمه گنلیگی نی ادعا قیلیب، حتی کی معتاد لر اهالی تمانیدن هم اذیت لنه یاتگنلیک لرینی هم معلوم قیلدی.

حسین، برچه معتاد لرنینگ دولت بیر ییرده جایلشتیریشی نی هم سوره دی.

باشقه تماندن، پل سوخته منطقه سی نینگ اهالی سی ایسه، بو معتاد لر مخدره ماده لرنینگ قولگه کیرتیشی اوچون اوغیرلیک گه هم قول اوریب، حتی کی اهالی نینگ یککه توتگنده پیچاقلب کیته دیلر دیب ادعا لری بار.

شو نینگ دیک کابللیک لر نینگ اکثریتی، بو معتاد لرنی اوسمیرلر ویا کی یاش لر کوریش لری بیلن شو یمان یولگه کیتیش لری ممکن لیگینی اورغوله ب، حکومت بولر نینگ یغییب بیر ییرده توپلنتیریشی نی طلب قیلماقده لر.

شونده ی بیر حالده افغانستان عامله ساغلیک وزیرلیگی ایسه، حاضر معتاد لرنینگ دوالش اوچون، مملکت بویلب 99 درمان قیلووچی مرکزی موجود.

عامه ساغلیک وزیری خانم ثریا دلیل بونده ی آچیق له یدی:

" 1391 قویاش ییلی نینگ 9 آیی ایچیده مملکت بویلب کمیده، 20 مینگ معتاد نی بستر قیلیب، درمانلشگه قادر بولدیک. اوشبو رقم دن بیش مینگی کابلدن ایدی. حاضر گی کونده مملکت بویلب 2 مینگدن زیاد معتاد درمانلنماقده."

بیرلشگن ملت لر تشکیلاتی میلادی 2010 ییلیده ترقه تگن حسابات گه کوره، حاضر مملکت بویلب مخدره ماده لرگه قریب بیر ملیون معتاد موجود بولیب، بو حساباتنی افغانستان کیله جگی اوچون خواطر قیلوچی بیر رقم دیب معلوم قیلگن.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.