BBC navigation

مدافعه وزیرلیگی چوکاتیده کیریش مرحله لری جدی لشگن

Сўнгги янгиланиш 19 декабр 2012 - 12:56 GMT

افغانستان مدافعه وزیرلیگی، ملی اردو کوچلری دایره سیده افغان عسکر لری نی جذب قیلیش جریانیده بیر قنچه قیتغ قاعده قانون لرنی یولگه قویگن لیگی نی ایتگن.

بی بی سی نینگ ینگی بیر گزارشی اساسیده، افغانستان ملی اردو سیگه کیره یاتگن شخص لر، اینگ آز بیش کشفی و استخباراتی مرحله لرنی اوتکزیشلری کیره ک.

افغان رسمیلریگه کوره، بو ینگی قاعده و قانون، خارجی کوچلر قرشی سیده نیچه هجوم یولگه قوییلگن دن کیین عملگه آشیریلیشی بیلن، عصیانچی شخص لرنینگ ملی اردو کوچلری صفیگه کیریشی آلدینی آلماقده.

افغانستان ملی اردو کوچلری سانی حاضر 195 مینگ کیشی گه ییتیب بارگن. مذکور کوچلرنینگ تعلیم بیریش مسوولیتینی ناتو کوچلری اوز ضمه سیگه آلگن. عین دمده ناتو کوچلری هنوز هم افغان کوچلری بیلن قوشمه عملیات لرنی یولگه قویه دی.

شونده ی بیر وضعیتده افغان عسکر لری نیچه مرته خارجی همکارلری گه قره ته اوق آتیب اولرنینگ هلاکت گه اوچره تگن.

جاری ییلده 50 دن آرتیق ناتو اعضالری افغان پولیس ویا ملی اردو کوچلری کییمی نی کیگن شخص لر تمانیدن اولدیریلگن.

ایندی افغانستان مدافعه وزیرلیگی ینگی عسکرلرنی جذب ایتیش اوچون قتیغ قاعده و قانون لرنی عملی قیلیب کیلماقده. و بو ایش، جوده هم ایجابی تأثیر قویگنینی اورغوله یدی.

اردو کوچلری نینگ جذب ایتیش قوماندانلیگی نینگ اورین باسری جنرال محمد ابراهیم احمدزی:

" هر کیم هر محل دن بیزگه کیلسه اوشه محل نینگ ایککی تانیش تضمیناتی نی کیلتیریشی هم شرط. محل ده گی قوم بویوک لری هم بو شخص نینگ تصدیق قیلیشی کیره ک. عکس و تیلفون رقم لری همده برماغ نشانی نی بیز آله میز. محل ده گی اداره لر بو شخص نینگ اهلیت و شخصیتی نی بیزگه بیلگی لنتیره دی. کیین استخبارات و کشف بولیمی هم اوشه ولایت دن بو شخص نی بیزگه معرفی قیله دی. امضا قیلگنی دن کیین بو شخص مرکز گه کیله دی."

بیر عسکر ملی اردو کوچلری صفیگه کیریش اوچون مهم کشفی و استخباراتی سیناو لرنی اوتکزیشی کیره ک.

بیرینچی مرته شخص نینگ کیم لیگی تذکره سی دن روی خط گه آلینیب، ملی اردو فورمه سی نینگ تولدیرگن دن کیین، دولت گه ایشله یاتگن ایککی شخص تضمیناتینی هم کیلتیریشی اساسی شرط لردن حسابلنه دی.

دواطلب شخص تولدیرگن حجت لرینی، ملی اردو کوچلری تیکشیریب، ملی امنیت نظارتی بیلن ایککی کشفی و استخبارتی مصاحبه آلینه دی.

بو مصاحبه نینگ یولگه قوییشی دن اساسی مقصد، دواطلب شخص عصیان چیلر بیلن علاقه سی بارلیگی ویا یوق لیگی نینگ انیق له یشی دیر.

خود شو سیناو لردن دواطلب شخص موفق بولیب چیقیشی بیلن، ملی اردو کوچلری نینگ صحی خذمت لری تمانیدن تیکشیریله دی.

ملی اردو کوچلری صفیگه کیریشی بیلن هم مذکور شخص، بو کوچلر آره سیدن قاچمسلیگی اوچون برچه معلومات لرینی الکترونیک شکلده آلیب سقله یدی. کیین بو شخص ملی اردو کوچلری صفیگه یول تاپه دی.

ناتو تشکیلاتی نینگ افغانستان بولیمیده گی مسوول لریگه کوره، افغانستان ملی اردو کوچلری نینگ جذب قیلیش اوچون ینگی دن یولگه قوییلگن قاعده و قانون لر، خارجی کوچلر قرشی سیده یولگه قوییله یاتگن عصیانچیلیک هجوم لرنینگ آلدینی آلگن.

مذکور کوچلرنینگ تعلیم بیریش بولیمیده گی سوزچی لریدن کرینا هولدر بو توغری ده شونده ی ایضاح له یدی:

" ناتو تشکیلاتی نینگ تعلیم بیریش بولیمی بو توغری ده گی فکری بو دیر که، حاضر گی یولگه قوییلگن ینگی قاعده و قانون لر ایجابی تاثیر قویگن. بو ینگی چاره تدبیر لر مابینیده، ملی اردو صفیگه کیره یاتگن لر دن استخبارات معلومات لر و کشفی معلوماتلر جدی شکلده ییغیله دی. بو معلومات لر خارجی لر همده افغان دوستلری میز نینگ سقله شی گه انچه مهم."

افغانستان حکومتی ملی اردو کوچلری ایچیده موجود بولگن سُست لیک و بوشلیک نینگ اورته دن ایلتیش اوچون جدی شکلده سعی و حرکت لری جریانی بارلیگی نی اورغوله ماقده. بو کوچلر کیله سی میلادی 2014 نچی ییل دن کیین خارجی کوچلر افغانستان دن چیقیب کیتیشی بیلن، مملکت خوف سیزلیگی نینگ تامین لنووچی یگانه تکیه گاه حسابلنه دی.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.